"مش أول مرة يعملها".. أسرة إسماعيل يس ترد على سخرية محمد رمضان من الراحل بمسلسل "موسى"

واستطردت: "والصراحة طلع عندهم شوية حق، لأن دي مش أول مرة محمد رمضان يجيب سيرة إسماعيل ياسين، بس أنا مش بلوم عليه، واحد تصرفاته بتثبت مشاكل نفسية أهمها عدم الثقة بالنفس والنقص، اللي واضح أن الشهرة والفلوس مملوش عنده الحتة دي، وطبعا مش محتاجة أقول أيه الأسباب".

وأردفت: "أنا بلوم على المخرج والمصور والمنتج اللي مفروض أنهم ينتموا للفن، بس واضح أنهم كمان ارزقية، أنا كمان بلوم على الولد اللي أدى الشخصية اللي صفحته على التيك توك كلها إعجاب وتقدير للفنان إسماعيل ياسين، دا حتى زار السويس اللي منها إسماعيل ياسين و أتصور فيها".

واختتمت حديثها: "بس واضح أنه استغله للوصول للشهرة فقط، لأنه لما جتله الفرصة للظهور في مسلسل، وافق على تقديم مثله الأعلى بشكل غير لائق، بس ليه هو مش لإسماعيل ياسين، لأن ببساطة سيظل إسماعيل ياسين أيقونة الكوميديا في مصر والوطن العربي، الوحيد صاحب أعمال تُسمى بإسمه، ستظل سيرته الحميدة التي لم تمت حتى بعد 49 سنة من وفاته، رغم كل من يحاول الإساءة له أو لتاريخه الفني".

وجاء المشهد عبارة عن شراء الفنان عبد الرحمن أبو ليلة "إسماعيل ياسين" بضعة أشياء من موسى ثمنها 24 قرشًا وامتنع إسماعيل ياسين عن دفعهما، ليرد عليه موسى قائلًا: “فين حقهم؟!”، فيجيب الممثل: "إيه ياخويا مش واخد بالك مني ولا إيه مبتتفرجش على سيما!؟" ثم بعدها يدفع له الحساب وينتهي المشهد عند تقليد موسى لحركات إسماعيل ياسين.

يذكر أن مسلسل موسي بطولة الفنان محمد رمضان، بمشاركة الفنان رياض الخولي، منذر ريحانة، سيد رجب، فريدة سيف النصر، صبري فواز، تارا عماد، وأسماء جلال، والعديد من نجوم الفن  إخراج محمد سلامة.