تسنيم "فتاة التحرش بالصعيد" تكشف تفاصيل واقعة الاعتداء عليها فى الميكروباص بأسيوط (بث مباشر)

وقالت "تسنيم" فى تصريحات خاصة لـ"مصر تايمز": "كنت راكبة عربية ميكروباص وجه حد يقعد جنبي.. لما لقيته قاعد متطرف على الكرسي قلت خلاص مش مهم.. اللي حصل أنه حاول يكلمني ومهتمتش.. بعدها حصلت مشادة بين السواق وواحد من الركاب عشان الراكب نازل فى منطقة محدش نازل فيها". 

وتابعت "تسنيم": "أنا جالي فضول اني اشوف الشخص ده.. عيني لمحت اللي قاعد جنبي وهو مرتدى الجلباب الصعيدي.. كان مخرج عضوه الذكري.. حس أني شوفته وقالي فيه حاجة.. بعدها قام بسرعة وجري على الباب ونطيت وراه مسكت الشال بتاعه.. ووقعت على وشي لحد ما اتغرق كله طينة". 

وأضافت الفتاة: "جريت وراه فى منطقة شعبية.. لحد ما مسكته وبدأت الضرب فيه وشتمته.. الناس إفتكروه سرق مني حاجة.. الناس قالت سيبوها تضربه وفلتوه.. وهو جري وأنا جريت وراه.. قعدت اقول للناس زي ما قلعلي  

هيقلع لأمك أو أختك".

وقالت: "روحنا قسم شرطة أول أسيوط وهو قالي سامحيني مكنش قصدي.. وجالي تليفون إن أنا أمشي ومكملش 

حسيت إنى اخدت الإجراء اللى أي بنت هتاخده.. مكنتش هعرف أنام لو معملتش كدة".