أروى جودة تشيد بموظفي وزارة العدل: الاستقبال راقٍ وإنجاز العمل سريع

في رسالة تقدير، أعربت الفنانة أروى جودة عن امتنانها لوزارة العدل، مشيدةً بما وصفته بالمستوى المتميز للخدمات داخل مكتب زواج الأجانب بالعاصمة الإدارية الجديدة، وذلك بعد تجربة خاضتها هناك.

أروى جودة تشيد بموظفي وزارة العدل

وقالت أروى جودة في مقطع فيديو نشرته عبر حسابها الرسمي على "فيسبوك": "كنت في مكتب زواج الأجانب اللي تابع لوزارة العدل في العاصمة الجديدة، واللي شوفته النهارده أبهرني وأنا فخورة جدًا إن ده بيحصل في بلدي، لأني انبهرت بشياكة المبنى، وإحنا في عز الصيف الدنيا حر، بس المبنى مكيف ونضيف ومودرن، والاستقبال كان في منتهى الرقي والموظفين كانوا دؤوبين إنهم يخلصوا شغلهم بسرعة ويدوك معلومات زيادة وذوق جدًا".

وأضافت: "اللي شوفته ده نموذج مشرف، وكل أما بدخل مصلحة حكومية ده بيتكرر، وأتمنى استمرار المستوى الراقي ده عندنا، وعايزة أشكر وزارة العدل وكل الموظفين المحترمين اللي أنا شوفتهم، وأنا مش بتكلم عن تجربتي الشخصية بس ولكن عن تجارب الناس التانية اللي كانت معايا في المكان".

واختتمت حديثها قائلة: "عايزة أشكر كل الموظفين على تفانيهم في إنجاز الشغل وشطارتهم، وأنا فخورة جدًا بيهم، بالتوفيق دايمًا يارب".