أحمد موسى ينفعل على الهواء بسبب التنمر على السوشيال ميديا: حاسبوهم ولا خايفين من مين؟!
كشف الإعلامي أحمد موسى، أن مواقع التواصل الاجتماعي تستخدم للتنمر والترصد للمشاهير والمواطنين، موضحا أن هناك صفحات تدار من داخل مصر ترتكب جرائم يومية
وتابع خلال تقديم برنامج على مسئوليتي، المذاع على قناة صدى البلد، أن هناك صفحات اجتماعية رياضية طبخ وعليها مشاهدات كبيرة تطرح سؤال سياسي.
وأردف الإعلامي أحمد موسى، أن أن هذه الصفحات تعتمد على الانتقام ولا أحد يقترب منها رغم أنها تتنمر من هذه الشخصية أو تلك، معلقًا: إحنا عندنا استباحة ولا أحد يعاقب.
وأردف: حضرتك مسئول والمفروض تحرك إجراءاتك وقوانينك وتستخدم سلطاتك لاتخاذ ما يلزم تجاه هذه الصفحات التي تعادي البلد، معلقًا: خدوا إجراء خايفين من مين.
ناشد الحكومة المصرية برئاسة مصطفى مدبولي لإعداد تشريع سريع لملاحقة كل هذه الصفحات ومجلس النواب برئاسة هشام بدوي يتحركوا لو سمحتوا ويقدروا مع الحكومة يعملوا تشريع سريع عشان نحافظ على بلدنا وإلا هندفع التمن كبلد وكشعب.
وأضاف: لازم نغير القوانين الموجودة هو في حاجة اسمها حبس 6 أشهر وغرامة 20 ألف دي حاجة ملهاش عايزة، الردع لما تعوره بغرامة مليون جنيه وأنت طالع وخمس سنين حبس، دي ناس بتخرب وتضرب في كيان الأسرة المصرية وتقولي أسيبهم.
وأردف: المهندس خالد عبد العزيز مع احترامي ليك اتحرك خد إجراءات وفي صفحة نشرت الخبر اتحرك ومفيش حاجة اسمها صفحة عليها 5 آلاف واحد ما ده بياخد منه الملايين الخبر، ده لو صفحة مش عليها غير صاحبها بتهاجم البلد نسيبها ولا نحاسب.
وواصل أنه في الدول العربية لا يمكن يسيبوا شخص أو مواطن لأنه عندهم قانون وبعد كده الكل يرتدع ويلتزم بالقانون، وميقدرش يبعت من تليفونه الشخصي رسائل شتيمة لحد
وتسائل: هو مين مسئول عن التنمر ده الموضوع ده مفيهوش تساهل ولا عاوزينها سداح مداح، وأنا بتكلم على الداخل مليش دعوة بالخارج إزاي يا جماعة أنا سايب الكلام ده.
وأكمل: في أجهزة رصد تتابع كل كبيرة وصغيرة، في سمعة بلد ومجتمع وأسرة مصرية لازم تحميها، وده دورنا ودور كل مسئول ودور الحكومة والبرلمان وكل واحد في مكانه، مين يحمي البلد؟!.
وقال الإعلامي أحمد موسى: في ناس بتتريق على المنتخب هو ده يليق بعد الإنجاز اللي اتعمل، ما تسيبوا الناس تفرح والعالم كله فرحان معانا، حتى دي كمان مش عاوزينها تتم، مين هيحاسب على ده كله.
وأردف: الأسرة حقها مصان وحمايتها واجبة علينا كلنا، أيه يا سيدي واحد يطلع يكتب ويقول مش عارف أيه، هو إحنا فين من اللي بيحصل.
وشدد الإعلامي أحمد موسى على أن وزارة الداخلية تتحرك أسرع مما نتخيل ولو تحت الأرض بسبعين متر بتجيبه المطلوب، حتى لو صاحب الصفحة كاتب اسم وهمي، موضحًا أن هناك صفحات تتعمد الإساءة ونشر الإحباط.
