أحمد موسى: في ناس بيتدربوا في الصحف القومية من 10 سنين ولم يتعينوا ويجب النظر إليهم

كشف الإعلامي أحمد موسى، أن هناك أزمة معلومات في مصر وأحيانًا لا يتم إتاحة المعلومات كاملة لوسائل الإعلام، موضحا أن الرئيس السيسي وجه بفتح المجال الإعلامي.
وتابع خلال تقديم برنامج على مسئوليتي، المذاع على قناة صدى البلد، أن كل الشغل في تاريخي الصحفي "كله كله كله" انفردات يعني مسئول في البلد يديك ملعومات ووثائق وتطلع مانشتات وتحقيقات وموضوعات وهذا في مواقع عديدة
وأكد أن أحمد أبو الغيط وزير الخارجية في ذلك الوقت كنت بتواصل معاه بشكل مستمر وأخد منه انفردات للأهرام ويتحدث بالمعلومات وقس على هذا مؤسسات البلد فكل قضايا وموضوعات وأحداث الدولة تتيح المعلومات
وأردف أن صفحات التحقيقات في الصحف المصرية كانت تقلب الدنيا كانت من الدنيا تفجر قضايا وهذا غير موجود بالقدر اللي إحنا محتاجينه ومحدش يزعل لأننا عاوزين نتكلم إعلام.
ولفت الإعلامي أحمد موسى، إلى أن قضايا وهموم الناس غير موجودة بالقدر اللي محتاجينه، وأحزاب المعارضة مش موجودة بالقدر إللي أحنا عاوزينه، والرئيس أدانا سكة في أيه تاني بعد كده خايفين من أيه؟.
وأردف: في ناس بيتدربوا في الصحف القومية من 10 سنين ولم يتعينوا، وفيه صحف خاصة ناس بتتدرب 5 أو 6 سنين وأول ما طلبوا يتعينوا قولت تمام بس هعملكم اختبار بعد ما شايلين الشغل كله عندك، معلقا: الإعلام فلوس وتمويل ويا ريت تتكلموا جد واللي عاوز يتكلم يكون كلامه كده، في ضيف عشان يطلع عاوز كام ألف دولار وهو يستحق.
أن المؤسسات الصحفية القومية عليها ديون قد كده، والدكتور مصطفى مدبولي مشكورًا بيحاول يحل مع المهندس عبد الصادق الشوربجي، شوف كام واحد اتعينوا في 2011 لما عملوا  مظاهرات.