فتوح أحمد لـ«مصر تايمز»: ثورة 30 يونيو أعادت الروح للمصريين والاستقرار للبلاد
أكد الفنان فتوح أحمد أن ثورة 30 يونيو كانت نقطة تحول فارقة في تاريخ مصر، مشيرًا إلى أنها أعادت للبلاد الأمن والاستقرار، رغم التحديات التي تواجهها.
30 يونيو أعادت الروح للمصريين والاستقرار للبلاد
وقال في تصريح خاص لـ«مصر تايمز»: «لولا 30 يونيو ما كناش بقينا موجودين دلوقتي، ولا عايشين في خير وأمن وأمان. دي كانت هدية من ربنا أنقذ بيها مصر، لأن لولاها الله أعلم كنا هنبقى فين، ويمكن كان مصيرنا يبقى في مكان مش كويس».
وأضاف: «30 يونيو أعادت الروح لمصر كلها، ورجعت لينا الحياة، وده فضل من ربنا وحبه للبلد دي ولشعبها. ورغم إن الظروف الاقتصادية صعبة، وإن البلد بتواجه تحديات كبيرة، لكن الأمن والأمان اللي إحنا عايشين فيه بيعوض حاجات كتير».
واختتم فتوح أحمد حديثه قائلًا: «أنا متفائل جدًا، ورغم الظروف القاسية اللي كلنا بنمر بيها، مؤمن إن اللي جاي هيبقى أفضل. دي مرحلة ولازم نصبر ونستحمل، وإن شاء الله هنعديها، خاصة بعد الأزمات والحروب والأوبئة اللي مر بيها العالم. الحمد لله ربنا حفظ مصر، وشكرًا لـ30 يونيو لأنها أعادت الروح للمصريين، ورجعت لينا الأمن والأمان والاستقرار».
