«بنوتة حلوة حبيتها وبقت صاحبتي».. لميس الحديدي تهنئ خطيبة نجلها بعيد ميلادها
حرصت الإعلامية لميس الحديدي على تهنئة خطيبة نجلها نور عمرو أديب، بعيد ميلادها، الذي تحتفل به اليوم، الثلاثاء، الموافق 16 يونيو.
لميس الحديدي تهنئ خطيبة نجلها بعيد ميلادها
ونشرت لميس الحديدي عبر حسابها الرسمي على موقع تبادل الصور والفيديوهات القصيرة إنستجرام، قالت: ناس كتير كانت بتسألني يا ترى أنا حماه عامله ازاى ؟ مسيطره ؟متحكمه ؟ باغير على ابني؟ و الحقيقه انى كنت قلقانه جدا مين اللى ح تتجوز نور لأنه ابني الوحيد و أنا مرتبطه بيه جدا و باعترف اني كنت دايما باقوله ماينفعش تحب حد أكتر من مامى ( أنا طبعا).
أضافت: لكن كرم ربنا دايماً عليا كبير و نور جابلي بنوته حلوة حبيتها بسرعه مريم السطوحي ..و بقينا besties زي ماهى بتقول خاصةً ان نور ابنى لسة مسافر بيشتغل برة، فهى بقت صاحبتي الصغيرة، و عوضتني عن غيابه و كأني ما صدقت يبقى عندى بنت فبقيت بافكر فيها و أنا بأعمل شوبنج ، باكلمها تلحقنى مع تشات جى بى تى الساعه ٣ صباحاً و تعمللي سيرش لو عاوزه اكتب حاجة ، احجزي لى سينما يا مريم و نروح السينما سوى، إلحقي الزوم ميتنج مش عارفه اعمله ( أنا بشعه فى التكنولوجيا و طبعاً باكلمها في اى وقت)، إلحقي تلفوني هنج، محتاسين فى توضيب البيت سوى.
تابعت: ده غير اننا شبه بعض فى حاجات كتيرة: التفاصيل ، الدقة ، التنظيم ، حب الشغل لكن هي علشان مهندسة اشطر مني كتير.. و لما بأبقى شوية متضايقة (طبعاً نور بيقولها ) بالاقي تلفونى بيرن : عاملة ايه ياطنط، اجى لك نخرج؟.
استكملت: النهارده عيد ميلاد مريم كل سنه وانت طيبة حبيبتى ، ربنا يحفظك يا رب ، و السنة الجايه كل أحلامك و احلام نور تتحقق و تكونوا فى بيتكم إن شاء الله.. الحمد لله.. البنات الحلوين رزق.
