لؤي السيد عن الكراش: عودة الرومانسية الكوميدية بروح 2026 والهدف ضحك الجمهور وبس
كشف المؤلف لؤي السيد عن كواليس فيلم “الكراش” والأسباب التي دفعته لتقديم العمل، مشيرًا إلى أنه يراهن على عودة الأفلام الرومانسية الكوميدية الخفيفة التي افتقدها الجمهور في السنوات الأخيرة، مع تقديمها بشكل يناسب شكل السينما في 2026.
لؤي السيد لمصر تايمز: “الكراش” يعيد الرومانسية الكوميدية للسينما
وقال في تصريح خاص "لمصر تايمز": إن اللي جذبه للفيلم هو فكرة الرجوع للأفلام الرومانسية الكوميدية الخفيفة اللي الناس كانت بتحبها وافتقدتها الفترة الأخيرة، موضحًا إنهم حاولوا يقدموا فيلم بسيط وخفيف وفي نفس الوقت بروح عصرية تناسب 2026.
وأضاف إن الفيلم في الأساس هدفه الترفيه والضحك، مؤكدًا: "بصراحة مش لازم كل فيلم يبقى فيه رسالة كبيرة، في أفلام هدفها الأساسي إن الناس تخرج مبسوطة وتضحك بس".
وتابع أنه اختار اسم “الكراش” لأن الكلمة بقت منتشرة جدًا وسط الناس وبقت جزء من كلامهم اليومي، وكمان لأنها بتعبر ببساطة عن الحالة الرومانسية اللي الفيلم بيتكلم عنها، مضيفًا إن الاسم قريب من الجمهور وسهل.
وأشار إلى سعادته الكبيرة بفريق العمل قائلًا: "أنا سعيد جدًا بالشغل مع كل فريق العمل، كل ممثل في الفيلم ضاف حاجة مختلفة للشخصية بتاعته، وده خلّى الجو العام متوازن وممتع".
واختتم حديثه مؤكدًا أن الفيلم بيعتمد على الكوميديا والرومانسية، لكن فيه كمان لمسات إنسانية بسيطة جاية من الشخصيات نفسها، مع التركيز الأساسي إن الجمهور يخرج من الفيلم وهو مبسوط وبيضحك.
