ماجدة خيرالله تنتقد عمرو يوسف: "لو عرضوا عليه دور شاذ جنسي هيعمله؟" (خاص)

خرجت الناقدة ماجدة خير الله عن صمتها، ساخرة من مسلسل "الملك"، بطولة الفنان عمرو يوسف، والمأخوذ عن رواية" كفاح طيبة" لنجيب محفوظ، والذي كان مقررًا عرضه في السباق الرمضاني المقبل2021.

وانتقدت الناقدة الكبيرة الفنان عمرو يوسف، موجهة له رسالة شديدة اللهجة، قائلة: "هو معتز بدقنه وشنبه ليه يجسد شخصية الملك أحمس كان ممكن يعتذر عن الدور ويقول المواصفات الشكلية متناسبنيش لأن أحمس كان أسمر شوية وعيونه مش ملونة".

وأضافت إنه كان من الممكن أن يعتذر عن الدور لأنها مسئوليته الشخصية، قائلة: لو اتعرض عليه يجسد شخصية واحد  شاذ جنسيا هيوافق ولا هيرفض؟ فكان لازم يفكر في الدور كويس قبل مايعمله".

وأردفت: وبعدين الانتاج الضخم دا كله ازاي فاتت عليه الحاجات البسيطة دي دا الأجانب بيخلوا بالهم من الأفلام اللي بيعملوها عن تاريخنا أكتر مننا".