مصطفى حدوتة يهاجم منتج شهير:«خد 3 أغاني ومحاسبنيش ومفيش معاملة راجل منه»|تفاصيل

شّن الشاعر مصطفى حدوتة هجومًا حادًا على المنتج محمد حامد، حيث اتهمه بالنصب عليه بعد أخذه 3 أغاني منذ عامين بدون دفع مقابل. 

مصطفى حدوتة يهاجم منتج شهير

وشارك مصطفى حدوتة جمهوره مقطع فيديو، يكشف فيه تفاصيل النصب عليه، من خلال حسابه الرسمي عبر موقع تبادل الصور والفيديوهات القصيرة إنستجرام، وقال: في منتج اسمه محمد حامد، المنتج ده احنا تعاونا مع بعض قبل كده من سنتين في أغنيتين، وساعتها كان الراجل مفيش مشكلة عايزنا نديلو أغاني ونعملوا سعر وبالفعل عملنالو أغاني ياكل بيها عيش، والأغاني دي نزلت ومحصلش اي مشكلة. 

أضاف: بعدها الراجل ده جيه أخد 3 أغاني مني استلم تنازل أغنيتين منهم، ولحد دلوقتي محاسبنيش على واحدة منهم بقالي سنتين، قولتلو رجعلي الورق، لإني بتعامل بحسن نية لإن كان في تعاونات بينا ومحصلش في مشاكل، لكن مرضيش يرجع الورق ولا راضي يحاسبني، قال هكلمك الأسبوع الجاي ومكلمنيش لحد دلوقتي من سنتين، وهنزل اسكرينات بعد الفيديو. 

كما قدم نصيحة لكل صناع الموسيقى لعدم التعامل معه، وتابع: وبنصح كل الصناع إنهم يتعاملوا معاه لإنه كداب جدًا، وأي حد يتعامل معاه يخلي بالو كويس جدًا لإنه من الناس اللي بتحط السم في العسل، هو بيظهرلك في الأول بصورة إنه ملاك ومحترم وأحسن واحد في الدنيا بعد كده تلاقي إن مفيش معاملة راجل معاه.