راندا البحيري توجه هجوم عنيف لـ أمير كرارة.. ما علاقة سهام جلال؟
وجهت الفنانة راندا البحيري هجوم عنيف للفنان أمير كرارة، وذلك بعد رده على التصريحات السابقة للفنانة الراحلة سهام جلال، بشأن تجاهله لها.
راندا البحيري توجه هجوم عنيف لـ أمير كرارة
وكتبت راندا البحيري من خلال حسابها الرسمي عبر موقع التواصل الاجتماعي فيسبوك، قالت: طالع دلوقتي يقول اصلها اتصلت على نمرة غلط.. ودي مش نمرتي ياريتك ما رديت ولا اتكلمت.
أضافت: مع انها في البرنامج قدامنا كلنا قالت رد عليا وقالها عينيا يا سوسو، وقالت بعدها بطل يرد على التليفون خالص.
من جانبه، أعربت الإعلامية ريهام سعيد عن حزنها العميق بعد وفاة الفنانة سهام جلال، مشيرة إلى شعورها بالاستياء من الاهتمام الكبير الذي حظيت به الراحلة فقط بعد وفاتها في حين أنها لم تحظَ بالدعم الكافي عندما كانت تبحث عن فرص جديدة .
وكتبت ريهام عبر حسابها الرسمي "فيس بوك": “دلوقتي بقت مهمة وأخبارها في كل مكان عشان ماتت خلاص، ففي حاجه نتكلم فيها ؟؟؟ عشان هنصور الجنازة و العزاء وهيدخل لنا دولارات؟؟؟؟ ياما كانت عايزة تظهر وفيديوهات وسوشيال ميديا وبتحاول تقول أنا أهو.. بس للأسف التمثيل بالذات الناس بتتفق مين يشتعل ومين يقعد في البيت”.
وأضافت" طلبت المساعدة من الزملا وهي عارفة إنه محدش بيساعد غير لو في مصلحة، بقت مهمة وأخبارها كتيرررر بعد ما ماتت، بقت مهمة عشان ماتت، لكن وهي عايشة وسطينا بتحاول تقول أنا موهوبة وموجودة، ومحدش عبرها، وخصوصا إن اللي بيشتغل شغلنا ده مابيعرفش يشتغل حاجة تانية.. لازم نموت عشان نقدر، لازم نموت عشان نقدر.
واختتمت: "ياما خرجت محدش صورها بس دلوقتي ملمومين حوالين نعشها عشان يتسابقوا يصوروها وهي جثة.. في رخص كده؟ الله يرحمك أكيد روحتي للأحسن والأعظم والأرحم".
