أتعرض للظلم والقهر.. حلمي عبدالباقي يثير الجدل بعد منعه من الترشح بانتخابات الموسيقين|القصة الكاملة

آثار الفنان حلمي عبد الباقي الجدل خلال الساعات القليلة الماضية، وذلك بعد مناشدته للرئيس السيسي ووزارة الثقافة، بعد منعه من الترشح في انتخابات الموسيقين. 

حلمي عبدالباقي يثير الجدل بعد منعه من الترشح بانتخابات الموسيقين

وشارك حلمي عبد الباقي جمهوره مقطع فيديو من خلال حسابه الرسمي عبر موقع التواصل الاجتماعي فيسبوك، وقال: في الجلسة الأخيرة شوفت بعيني تعنت غريب جدًا، أول ما قاعدنا قالوا أن في جوار جايلهم من مستشفى وأنا عامله إعفاء لواحدة هتعمل عملية في عينيها والجواب ده لسه واصلهم، جواب أيه يا جماعة ده من شهر نوفمبر 2024، هو الحوار دوروا لحلمي على أي مصيبة تاخده، ومع ذلك أنا افتكرت كويس ان الجواب ده كان في تواصل بيني وبين النقيب وقالي أعملها الجواب بالعملية وأعفيها لأنها ست غلبانة، الأدهى في التحقيقات الأولانية عملنا إطلاع على التجاوزات الطبية كلها، والجواب ده مكنش موجود فطالع دلوقتي بأمارة ايه، وطبعا حصل إنكار. 

أضاف: وأحنا كنا جايبين شهود يشهدوا على بعض الوقائع، تم إرهاب بعض الشهود، وأحد الشهود قالي أنه حد قاله أنت ايه اللي جابك وأنت جاي تشهد على الريس يلا يا حبيبي أمشي، فالنقيب قاله تعالى وقول شهادتك، ده معناه ايه، وفي شاهد تاني لما شاف القصة كده مشي، واتكلمنا في موضوع ناصر صقر تاني مع أنه طلع واتكلم في لقاء تليفزيوني أن في 6 من الأعضاء وافقوا على الإيرادات والمصروفات اللي من ضمنها العلاجات. 

تابع: بعد كل اللي أنا بقوله ده يا جماعة، أنا مطلوب اقصائي من الانتخابات اللي جاية ولا عضو مجلس ولا نقيب ولا أي حاجة، وده في الأخر بتاع ربنا لا أنا ولا أنت ولا أي حاجة ربنا عايز يحصلي حاجة هيحصلي، ربنا عايز ينقذني هينقذني، أنا بناشد ك أجهزة الدولة أنا بتعرض لظلم وقهر بشكل غير طبيعي لكن في الأخر بقول اللي ربنا عايزه هو اللي هيكون.