بعد قرار الغلق المبكر.. تامر حسني يقدم اقتراحاً يتضمن خطة لإنقاذ دور السينما

طرح النجم تامر حسني مقترحًا جديدًا لدعم دور العرض السينمائي، بعد  قرار الحكومة بتطبيق الإغلاق المبكر بدءًا من اليوم فى تمام الساعة التاسعة مساءً، في إطار خطة تستهدف ترشيد استهلاك الكهرباء.

وتضمن المقترح إلغاء حفلات الفترة الصباحية والظهيرة، التي تشمل مواعيد (10 صباحًا – 1 ظهرًا – 3 عصرًا)، مع الاكتفاء بثلاث حفلات يوميًا في أوقات الذروة، وهي: 6 مساءً، و 9 مساءً، و 1 بعد منتصف الليل.

وكتب حسني عبر حسابه الرسمي "فيس بوك"" اقتراحي إذا أمكن فا ينطبق على كل الجهات .. كلام البوست اللي كتبه زميلي المنتج كريم السبكي ده من وجهة نظري اقتراح صحيح للسينمات أعتقد وزارتنا المبجلة ممكن تدرسه و أكيد هيعملوا الصح لأن برضو الصح عمره ما هيكون من وجهة نظرنا إحنا بس أكيد في حاجات تانية ممكن منكنش على دراية بيها و هي لمصلحة البلد و لكن لو الاقتراح ده اتنسق مع أهداف الدولة أتمنى تحقيقه ".

وأضاف" واقتراحي الشخصي إن القرار ممكن يتطبق على أماكن كتير مش بس السينمات  أو أماكن تختار يقفلوا الصبح و أماكن تختار يقفلوا بالليل و كل ده بالتنسيق مع الجهات اللي شايفة شغلها و أكل عيشها أكتر بالنهار ولا بالليل و بكده كله هيتراضى .. و برضو ده من وجهة نظرنا المحدودة".

وأختتم " أي قرار أكبر مننا بتاخده الدولة لازم نحترمه و نتأكد مليون في المية إنه لمصلحتنا حتى لو استحملنا شوية  كل الشكر و التقدير و الاحترام لوزاراتنا المصرية العظيمة".

و يبدأ اليوم السبت، تطبيق وتنفيذ قرار الدكتور مصطفى مدبولي ، رئيس الوزراء الخاص بترشيد استهلاك الطاقة ، بغلق المحلات والمولات والكافيهات فى الساعة 9 مساءاً.