منة فضالي تحسم الجدل حول خلافها مع ياسمين عبدالعزيز في «وننسى اللي كان»|تفاصيل
حسمت الفنانة منة فضالي الجدل المثار الفترة الماضية حول خلافها مع الفنانة ياسمين عبد العزيز في مسلسل وننسى اللي كان.
منة فضالي تحسم الجدل حول خلافها مع ياسمين عبدالعزيز في «وننسى اللي كان»
وشاركت منة فضالي جمهورها مقطع فيديو من خلال حسابها الرسمي عبر موقع تبادل الصور والفيديوهات القصيرة إنستجرام، وقالت: الفيديو ده نظرًا للجدل اللي حصل الفترة اليومين اللي فاتو وأنا مش مبسوطة كل واحد بيكتب على مزاجه، الفيديو ده عشان ياسمين عبد العزيز الست ديه أنا بحبها جدًا على المستوى الإنساني والشخصي، وبحترمها جدًا ومعنديش أي مشاكل معاها خالص لإن ياسمين مبتعلمش مشاكل أساسًا ومعنديش مشاكل مع أي حد في الشغل ولا في المسلسل ولا الشركة المنتجة، ممكن يكون عندي مشاكل تانية ملهاش علاقة بالمسلسل.
أضافت: وأنا بباركلها على چليلة وببارك لكل زمايلي في المسلسل، وبدل ما نقعد نكتب كلام مش لذيذ أكتبه رأيكو في المسلسل وفيا وفي زمايلي، مش عايزة بقى جدل كتير وكلام كتير أنا مقولتوش.
تابعت: وأنا بحبكوا جدًا وبشكركوا على التعليقات والمسدجات اللي بتجيلي.. واحنا تعبانين وبنشتغل تحت ضغط وصايمين فـ خفوا علينا شوية كلام.
ويشارك في بطولة المسلسل بجانب ياسمين عبد العزيز: كريم فهمي، خالد سرحان، شيرين رضا، منة فضالي، ليلى عز العرب، إلهام وجدي، ومن تأليف عمرو محمود ياسين، وإخراج محمد الخبيري.
