فريدة سيف النصر تتصدر التريند بسبب مسلسل «وننسى اللي كان».. ما القصة؟
تصدرت الفنانة فريدة سيف النصر محرك البحث جوجل وتريند مواقع التواصل الاجتماعي خلال الساعات القليلة الماضية، وذلك بعد انتقادها لـ مسلسل وننسى اللي كان بطولة الفنانة ياسمين عبد العزيز.
فريدة سيف النصر تتصدر التريند بسبب مسلسل «وننسى اللي كان»
وكتبت فريدة سيف النصر من خلال حسابها الرسمي عبر موقع التواصل الاجتماعي فيسبوك: لاحول ولاقوة الا بالله.. مش عايزه اتكلم بس ماقدرتش.. ياجماعه ماينفعش اجيب مثلا أمن أو سواق مع بنتي يحافظ عليها والاقي الأمن داخل غراميات مع اللي بيحرسها، وبنتي عند ابوها وسواقها بيزعق لها وغيران.. يعني بتفهموا اللي بيشتغلوا يعملوا ايه بالظبط.
أضافت: اه كلنا ولاد تسعه بس كده غلط احنا بنفتح عينين علي حاجات تودي في داهيه.. نمشي الناس اللي جايبينهم ونجيب ستات ولا نهبب ايه ده كلام، والمفروض البنت تصارح أهلها وماتسمحلوش يكلمها كده.. وهو المفروض جاي يبلغ ابوها باي حاجه..احنا هانخيب ولا ايه.
تابعت: طبعا الكلام ده تمثيل في مسلسل أنا شخصيا بحبه وبحب نجمته جدا ومؤلفه وكلهم.. بس برضه مش كده احنا مش اجانب وانا كأم ولي حفيدتين ماينفعش يلاقوا ده عادي علاقات وصداقه مع جارد أو سائق وغيره، وايه الكلام الفاضي ده.. واللي عندنا بيقلدوا هوا الوحش قبل الكويس.. ربنا يستر علي ولادنا والله ونرجع نلوم علي السواقين.. ياريت ماحدش يزعل من صراحتي.. وانا مش عنصريه لكن مش لازم ننسي أن في اصول.
أختتمت: ملحوظه ..كمان فكرة المساكنه عند الكدواني قومتني من علي الكنبه قفزاااا والله..هاكتبها لوحدها.
ويشارك في بطولة المسلسل بجانب ياسمين عبد العزيز: كريم فهمي، خالد سرحان، شيرين رضا، منة فضالي، ليلى عز العرب، إلهام وجدي، ومن تأليف عمرو محمود ياسين، وإخراج محمد الخبيري.
