عاجل.. تطبيق انستا باي يتصدر التريند بعد تحذيرات من محاولات سرقة رصيد العملاء

تصدرت التحذيرات من تطبيق انستا باي مواقع التواصل الاجتماعي بعد تداول عدد من وقائع تعرض المواطنين للسرقة لمبالغ مالية من حساباتهم بعد وصل رسائل لهم.

وقال أحد رواد مواقع التواصل الاجتماعي: خدوا بالكم ياشباب في طريقة نصب منتشرة دلوقتي علي انستا باي تكون بتتكلم في التليفون تجيلك رسالة مكتوب فيها تم خصم مبلغ معين من رصيدك ومن الطبيعي انت بتفتح الرساله و بتروح تفتح الانستا باي عشان تتأكد من الرصيد بتلاقي مفيش خصم ولا حاجه بعدها علي طول بتلاقي شاشة التليفون جابت شعار الاندرويد وخصوصا لو تليفونك اندرويد مش اي او اس حوالي خمس دقايق وبعدها بتلاقي اتسحب من رصيدك فلوس واتبعتت لمحافظ مختلفه عشان كده ياريت متفتحش اي رساله مجهولة المصدر .. ولو حصل وفتحتها اقفل التليفون بسرعة

وحذر اخر قائلا: تنبيه لكل واحد عنده تطبيق بنكي او انستا باي  انتشر في اليومين دول عمليات سرقة علي انستا باي وممكن يحصل علي اي ابلكيشن بنكي خلي بالك في النقاط الاتيه

وتابع:طريقة الهاك بتكون كالاتي  النصاب  يهاك علي الفون الاول علشان يفتح backdoor في السوفتوير ويبقي متحكم في تليفونك ودا مش بسهولة لازم يبعتلك link او تصطب infection app الاول علشان يقدر يعرف ال mac address بتاع الفون ويسطب ال virus الاول وبعدين يعمل العملية دي ال security بتاع الفون مش بالسهولة دي لازم خطوة من ال user علشان ال hacker يقدر يسيطر علي الجهاز.