للقطاع الخاص.. لميس الحديدي تطالب بفتح استيراد لقاح كورونا
السبت 20/مارس/2021 - 10:08 م
قالت الإعلامية لميس الحديدي إن الارقام الرسمية المعلنة من قبل الصحة حول الإصابات بفيروس كورونا تشمل فقط من توجه للمؤسسات الصحية المختلفة واجرى الفحوصات والمسحات.
وتابعت عبر برنامجها "كلمة أخيرة" المذاع على شاشة "ON" قائلة : حوالينا ناس كتيرة مش بتعمل pcr ولا اي حاجة ومش بنعرف غير من التحاليل وبالتالي نضرب رقم الاصابات عدة مرات للحصول على الاصابات الحقيقية".
تابعت في رسالتها للمواطنين: "سجلوا للحصول على اللقاح خاصة كبار السن واصحاب الامراض المزمنة".
وطالبت بفتح الاستيراد الخاص باللقاحاتللقطاع الخاص قائلة: "ده لازم يتقال الدولة تقوم بدور كبير في التعاقدات المختلفة لكن ليه مانفتحش للقطاع الخاص؟.. خاصة أن فيه شركات عاوزة تطعم الموظفين والعمال وعاوزين يدفعوا فلوس.. ممكن نفتح ده ونعمل إتفاقيات عبر هيئة الدواء أو جهاز من أجهزة الدولة نحتاج لاذرع جديدة عشان نوسع شريحة التطعيم لو مشينا بالوتيرة دي مش هنلحق نطعم 50-70% من المواطنين".
أتمت: "مانقدرش نسند على الدولة في كل حاجة.. محتاجيم نفتح للقطاع الخاص فيه دول كتيرة زي الولايات المتحدة هتبدأ توفيره في الصيدليات عن طريق القطاع الخاص زي ماعلمنا قبل كده في توفير المسحات عبر القطاع الخاص بدلاً من تركيزها فقط غي المعامل المركزية.. إفتحوا للجميع عشان المقتدر يدفع فلوس".
