عاجل.. سيدة تستغيث من توكيل منصور بعد شراء سيارة MG جديدة

استغاثت سيدة من توكيل منصور بسبب مماطلته في إصلاح عيب متواجد في سيارة MG جديدة.

وقالت صاحبة المشكلة عبر صفحتها على موقع التواصل الإجتماعى: «يا جماعة ياريت تساعدوني لأن معنديش حل غير السوشيال ميديا وأن الناس تقف جمبي علشان اعرف اخد حقي معايا MG RX5 موديل 2025، عربية جديدة ولسه عاملة حوالي 11 ألف كيلومتر فقط، وفجأة ظهرت مشكلة في الفتيس. طبيعي جدًا إن أي عميل يطمن ويقول العربية في الضمان، والتوكيل هيحل المشكلة عالطول».

وتابعت: «العربية دخلت توكيل منصور MG ومن ساعتها فات أكتر من شهر،لا إصلاح،
ولا رد واضح، ولا حتى موعد تقريبي للتسليم..والأصعب من كده إنك كل ما تتصل بخدمة العملاء، تسمع نفس الجملة: "هنسجل شكوى وهنرجع نتواصل مع حضرتك"… ومحدش بيتواصل».

وقالت: «أنا مش بطلب حاجة زيادة عن حقي.. عربية لسه في الضمان وتأخير غير مبرر يرضي مين اكون بدفع قسط كبير للعربيه وطالع عيني ومفيش امكانيه ادفع ربع جنيه تاني مواصلات وحتي ابني مش عارفه اوديه المدرسه لاني اعتمدت علي العربيه ومفيش امكانيه ماديه اشتركله في باص».

وتابعت: «الشكوى دي مش تشهير، دي استغاثة وبتمنى حد من المسؤولين يشوفها ويتدخل وكل مروح التوكيل الاقي العربيه متبهدله بالمنظر اللي انتو شايفينه دا».