بعد استيلاء مديرة أعماله على أمواله.. طليقة أحمد مكي: زعلي عليك أكبر من خسارتي
وجهت دكتورة التجميل مي كمال الدين رسالة لـ طليقها الفنان أحمد مكي، وذلك بعد استيلاء مديرة أعماله على أمواله.
طليقة أحمد مكي توجه له رسالة بعد استيلاء مديرة أعماله على أمواله
وكتبت مي كمال الدين من خلال حسابها الرسمي عبر موقع تبادل الصور والفيديوهات القصيرة إنستجرام، عبر خاصية ستوري، قالت: كنت اكثر حد بكره الست دي بعد والدتك الله يرحمها.. زعلي عليك اكبر من خسارتي الي بمر بيها .. لما اعلنت انفصالي وقلت بسبب ناس حواليك.
أضافت: انا كان نفسي بس تصدقني مكنتش بتصدقني و خسرتني و هاجمتني لحد م أفقدتني انت كنت اكثر احساسي ب اي شي حلو في الدنيه شخص بتمني يكون احسن مني و انت اكثر حد جه عليا.. ربنا يرد لك حقك.
تابعت: الي بعتالي رسالة شماتة فيا و فيه هقولك خسارتنا في فلوس بس و الله يعوض ربنا ينقي قلبك من الحقد و الشماتة.
و قررت دكتورة التجميل مي كمال الدين طليقة الفنان أحمد مكي الخروج عن صمتها ، والحديث عن بعض الأمور بعد أن علمت بكشف بعض الأسرار والتفاصيل بينهما ، مما دفعها إلى الحديث وكشف بعض الحقائق عن سبب طلاقهما.
وكتبت مي كمال الدين عبر حسابها الرسمي على موقع تبادل الصور والفيديوهات القصيرة إنستجرام عبر خاصية الاستوري قائلة : في حديث "آية المنافق ثلاث إذا حدث كذب، وإذا عاهد أخلف، وإذا خاصم فجر"، والصفات دي مش هتكون فيا لو على موتي، أولا خصوصية إيه اللي أنا محترمتهاش هل أنا نشرت شيء خاص بیني وبین أحمد، هل أنا خرجت وشتمت أحمد.
وأضافت مي كمال الدين : هل قولت فيه كلمة تعيب فيه زي ما البعض وأغلب الناس والمشاهير تحديدا بيعملوا كده في وقت الخلاف، على فكره الآلية سهلة والفضايح سهلة، بس مش من طبعي ولا تربيتي، أنا اتقيت ربنا في نفسي وفيه ، وبعدين إيه كمية التهم اللي نازلة ترف عليا وأنا اقتحمت خصوصيته وخلفت العهد، مختصر الكلام فيه حاجة أنا موضحتهاش، أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جدا خلى حتى اللي بينا يروح في حتة مكنتش أنا متخيلاها.
