عاجل.. زوج مايا عجيزة صديقة حمزة العيلي يكشف لـ«مصر تايمز» اللحظات الأخيرة في حياة زوجته قبل رحيلها

كشف زوج الراحلة مايا عجيزة صديقة الفنان حمزة العيلي في لحظة مؤثرة تفاصيل الأيام الأخيرة في رحلتها مع المرض، متهمًا نقص الرعاية المركزة والإجراءات البطيئة داخل المستشفيات بالتسبب في تدهور حالتها حتى الوفاة.

زوج مايا عجيزة يكشف تفاصيل الأيام الأخيرة في حياتها

وقال زوج الراحلة مايا عجيزة في تصريح خاص لـ"مصر تايمز": في البداية، دخلنا بيها الطوارئ حطوها على جهاز التنفس، و واحنا هناك قالولي محتاجة رعاية بس احنا معندناش رعاية، وقالو هيكلموا الوزارة ينسقوا معاهم. 

أضاف: وقالو بعد 3 ولا 4 أيام او أسبوع نعرف نلاقي مكان، وهي هتستنى عندنا ونحاول نسعفها لحد ما يكون في مكان.

تابع: وهي كانت فايقة شوية وبتتكلم معايا وقولتلها انتي لازم تستني هنا يومين أو ثلاثة أو أسبوع.. فـ قالتلي لا أنا عايزة أروح بيتي. 

وأوضح: ولقيت واحد من هناك قالي أنت لو ودتها البيت مش هتبقى كويسة ومش هتلحق.. ف أنا طلبت منهم إن أطلع بيها على مستشفى العاصمة أكيد هيبقى عندهم رعاية ولسه بنمضي الورق لقيناها فصلت وشبه توفيت واحنا لسه في الشروق بس هما مرضيوش يقولولنا فـ دخلوا ركبولها حاجة وبعد يومين أو تلاتة الصحة كلموني عشان يعرفوا ننقلها فين. 

وواصل: وأما روحنا لـ مستشفى العاصمة كانت توفيت خلاص فهما ملهمش ذنب هي ريحالهم خلصانة. 

وأوضح: ولكن في إهمال في المستشفيات فـ مينفعش حالة زي دي تدخل ويقولوا معندهمش رعاية.. فـ يعني إيه يخلوا الوزارة تكلمني نشوفها ننقلها فين.. ومينفعش يقولوا مفيش أماكن للرعاية في الحالات ديه. 

واختتم حديثه عن امرض التي كانت تعاني منه الراحلة: هي مناعتها ضعيفة وعندها كرات الدم ضعيفة فـ دخلت بإلتهاب حاد في الرئة وده تسبب لها في نقص الأكسجين بالدماغ.