بعد سنوات من التعاون.. مراد مكرم يعلن انتهاء تعاقده مع Cbc|تفاصيل

أعلن الفنان مراد مكرم عن انتهاء تعاقده مع شبكة قنوات سي بي سي، وذلك بعد تعاون استمر عدة سنوات. 

تفاصيل انهاء تعاقد مراد مكرم مع Cbc

وكتب مراد مكرم من خلال حسابه الرسمي عبر موقع التواصل الاجتماعي فيسبوك، قال: بعد سنوات من العمل، أعلن اليوم عن انتهاء تعاقدي مع شبكة قنوات CBC. 

أضاف: الخبر ده مش سهل يتكتب في سطرين، لأن CBC ما كانتش مجرد شاشة بطلع منها، دي كانت بيتي التاني.

تابع: من أول يوم دخلت فيه المكان ده، وأنا حاسس إني وسط عيلة حقيقية بتشتغل بحب، باحترام، وبإيمان إن اللي بنقدمه للناس لازم يكون نابع من ضمير حقيقي ومسؤولية.

كما وجه الشكر لفريق القناة: بحب أشكر كل حد اشتغلت معاه، قدام الكاميرا ووراها، من إدارة، إعداد، إخراج، فريق إنتاج، زملاء ومذيعين.. كل شخص ساهم في تجربة عمر، وكل شخص علمني حاجة حتى من غير ما يقصد.

أوضح: كان فيه دعم، وكان فيه احترام، وده أغلى حاجة ممكن أي حد يطلع بيها من مكان شغل.

أردف: أغلق صفحة مهمة في حياتي المهنية، وأنا ممتن لكل لحظة فيها، ومتطمن إن اللي جاي مكمل على اللي فات، بخبرة أكبر وقلب هادي ونية صادقة.

أختتم رسالته بتوجيه الشكر لشبكة قنوات سي بي سي، وقال: شكرا CBC.. وشكرا لكل اللي كانوا جزء من الرحلة، إلى لقاء جديد.. وخطوة جديدة بإذن الله.