محمد فراج يوجه رسالة رومانسية لزوجته بسنت شوقي في عيد ميلادها (صورة)
حرص الفنان محمد فراج على الاحتفال بعيد ميلاد زوجته الفنانة بسنت شوقي، ووجه لها رسالة شكر وحب علي دعمها المستمر له .
وكتب فراج عبر حسابه الرسمي "إنستجرام"" ماينفعش اقولك كل سنه وانتى طيبه قبل ما اقولك جوايا شكر و حب و اعتراف بالجميل و حاجات كتير ليكى .".
وتابع "إنتى طول عمرك معايا - بتنصحينى - بتوعينى - بتحبينى - مؤمنه بيا - سابقانى دايما بخطوه فى تفاصيل حياتنا الصراحه هى مش خطوه واحده هما كذا خطوه .. استحملتينى و استحملتى عصبيتى و قلقى و سخافاتى وقت الشغل و خصوصاً الفتره اللى فاتت واللى كان فيها الموج عالى قوى و مع ذلك بتبقى أول واحده تقولى براڤو عجبتنى ..
وأضاف" واخده بالك منى و ليكى فى كل خطوه أخدتها ربنا كرمنى فيها .. ليكى فى كل دور حلو أنا مثلته .. شايله همى و حِملى و حِملك و حِمل القطط و حاجات كتير كتير ".
وأختتم أنا لو اتكلمت و حكيت من هنا لعيد ميلادك السنه الجايه والله مش كفايا تفتكرى بعد كل ده كلمتين حتى لو صادقين و من القلب يوفوكى حقك !!كل سنه وانتى احلى صوص بيدى طعم للحياة ..كل سنه وانتى حبيبتى.
الجدير بالذكر أن آخر أعمال محمد فراج مسلسل "ورد وشوكولاتة" ، والذي حقق نجاحا جماهيريا كبيرا ونسب مشاهدات مرتفعة واحتل المرتبة الأولى كأكثر الأعمال مشاهدة في تاريخ تطبيق يانجو بلاي منذ انطلاقه .
المسلسل يتناول قصة مستوحاة من أحداث حقيقية، أثارت في وقت سابق جدلا واسعا في المجتمع المصري لفترة طويلة، ليقدم حكاية عن الحب والخداع والاختيار الصعب، فبين لحظات الرومانسية الدافئة والقرارات القاسية، تتحول القصة إلى صراع نفسي وعاطفي يختبر أبطاله ويكشف عن وجوه متعددة للعلاقات الإنسانية.
مسلسل ورد وشوكولاتة يشارك في بطولته إلى جانب زينة ومحمد فراج: مها نصار، مريم الخشت، مراد مكرم، صفاء الطوخي، محمد سليمان، عمرو مهدي، وبسام رجب، إلى جانب مجموعة من الوجوه الشابة أبرزهم يوسف حشيش وآية سليم. المسلسل من تأليف محمد رجاء، وإخراج ماندو العدل، ومن إنتاج شركة العدل جروب للمنتج جمال العدل.
