عاجل| ظهور مفاجئ يجمع باسم يوسف ومحمود سعد يشعل فضول المتابعين

شارك الإعلامي باسم يوسف جمهوره صورة تجمعه بالإعلامي محمود سعد، أثناء وجودهما في أحد الأماكن، ما أشعل فضول المتابعين لمعرفة السبب وراء لقائهما.

ظهور لافت يجمع باسم يوسف ومحمود سعد يشعل فضول المتابعين 

ونشر باسم يوسف الصورة من خلال حسابه الرسمي عبر موقع تبادل الصور والفيديوهات القصيرة إنستجرام، وعلق: حزروا فزروا.. إحنا فين؟.

على صعيد آخر، رد الإعلامي باسم يوسف على عدد من الأسئلة السريعة التي وجهها له الإعلامي أحمد سالم في الحلقة الثانية من لقائه ببرنامج "كلمة أخيرةعلى قناة ON، متطرقًا إلى الحديث عن زوجته وكيف أثرت شهرته عليها بالسلب.

وأكد يوسف أنه لو عاد به الزمن، لن يغير المسار الذي سلكه، قائلًا:"أنا راضي عن اللي أنا فيه الحمد لله. هل كل حاجة كاملة؟ لأ. هل عاوز أغير حاجة؟ لأ برضه".

وحول علاقته بالجمهور المصري وتغير صورته في نظر البعض، قال:"ما أقدرش أقول إذا كان الجمهور بيحبني أو شايفني رمز من الماضي. الجمهور ده حاجة كبيرة أوي وناس كتير، لازم أكلم الجمهور واحد واحد واسأله السؤال ده، أنا بقدم سلعة أو خدمة، وفي كل مرة بتقدم المنتج بيحصل بطريقة ديمقراطية وتلقائية استفتاء من المتلقيين، بيقيموا ده حلو أو وحش، مش ده اللي مستنينه منك.. عاجبني اللي بتقدمه أو لا مش عاجبني".

وعن رفضه من قِبل طرفي المعادلة، سواء من مؤيدي الإخوان أو من معظم مؤيدي 30 يونيو – علّق باسم يوسف ضاحكًا: "اللي لسه بيحبني مراتي وولادي والقطط، ومصر مش بس الإخوان و30 يونيو، فيها اتجاهات كتير".