أتمنى أن تنتهي.. بلال صبري يُعلق على أزمة مصطفى كامل وحلمي عبدالباقي

علق المنتج بلال صبري على أزمة نقيب المهن الموسيقية الدكتور مصطفى كامل والفنان حلمي عبد الباقي، حيث دعا إلى إنتهاء هذه الخلافات في أسرع وقت. 

بلال صبري يُعلق على أزمة مصطفى كامل وحلمي عبدالباقي

وكتب بلال صبري من خلال حسابه الرسمي عبر موقع التواصل الاجتماعي فيسبوك، قال: مصطفي كامل نقيب الموسيقيين من أول ما ظهرت السوشيال ميديا وهو بقا ناس كتير بتحاربه مع أنه عمل حاجات كتيره للنقابه وفي ناس بتستغل المشاكل مع الفنان حلمي عبد الباقي مع انهم كانو من احسن الشخصيات في الاحترام والمعاملة تمام الناس. 

أضاف: ياريت منولعش الدنيا لان النقابه فيها ناس بتاكل عيش مصطفي من  الناس وخصوصاً جيل الشباب وأنا متأكد إنهم مايعرفوش مين أصلاً مصطفي كامل ده وكل اللي يعرفوه أغنية قشطة يابا اللي عملها في فيلم بنفس الإسم وفضلت تطارده الأغنية دي لحد النهاردة وتكون شوكة في ضهره مهما حاول يوضح تاريخه الكبير. 

تابع: مصطفي كامل للي مايعرفش فهو كاتب في المقام الأول وبدايته كانت سنة 1994 مع محمد فؤاد لما كتبله أغنيتين من أروع الأغاني وقتها وهما هودعك وحبينا وكتبله بعدها الحب الحقيقي وقلبي وروحي وعمري وهنساك وأوقات يادنيا والقلب الطيب يعني تقريباً أهم الأغاني اللي عملها محمد فؤاد في حياته مصطفي كامل هو اللي مألفها ده غير إنه ألف لبهاء سلطان 3 دقائق وإحلف ولعمرو دياب الملاك البرئ وإوعدني ولهاني شاكر ياريتني ولمطربين كتير تانيين. 

أردف: وبسبب نجاحه قرر يغني سنة 2001 ويعمل كام ألبوم ورا بعض يكسروا الدنيا وأهمهم طبعاً رحلة عمري وبقا مطرب الميكروباصات الأول وأغانيه منتشرة في الأماكن الشعبية وليه جمهور كبير. 

استكمل: من الحاجات المهمة لمصطفي كامل إنه ساعد نجوم كتير إنهم يحترفوا الغنا زي حمادة هلال وبهاء سلطان وعملهم أغاني من ألحانه وتأليفه وقدمهم للمنتجين وساعدهم كتير وهو كفنان بشكل عام فهو فنان كبير ومايستحقش خالص اللي بيحصله ده يمكن يكون علي المستوي الشخصي عليه ملاحظات كتير بس هو كفنان مفيش غبار عليه لإنه كاتب كويس أوي وملحن ومطرب كويس وحقق نجاح ملحوظ وماينفعش اسيب تاريخه ده كله وأمسك في أغنية عملها في فيلم وأقيمه من خلالها عشان ده يبقي ظلم وعيب اوي. 

أختتم: مصطفى كامل افضل من كتاب الاغاني من بداية التسعينات وهو سبب لاشهر المطربين خاصه الاغاني الدرامية والحزبية ولا غبار عليه ربنا يبعد عنكم العين والنقابه ترجع احسن من الاول.