المخرج عمرو سلامة يطالب اتحاد الكرة بالتعاقد مع مدير فني أجنبي

طالب المخرج الزملكاوي عمرو سلامة اتحاد الكرة المصري بضرورة تغيير المدير الفني لمنتخب مصر الوطني حسام حسن وتعيين مدير فني أجنبي بدلا منه.

عمرو سلامة يطالب بتغيير المدير الفني لمنتخب مصر 

وكتب عمرو سلامة عبر صفحته الرسمية على موقع التواصل الإجتماعي فيسبوك: رأيي الشخصي، بعيدا عن تصريحات غير موفقة والزعيق للجمهور، متعاطف مع شخص عفوي عاطفي مضغوط عارف إن في منظومة كاملة ضده مع إنه رمز تاريخي. بس واقعيا محاولة استنساخ تجربة المدرب المصري دلوقتي على غرار تجربة كابتن الجوهري وكابتن حسن شحاتة لن تجدي ولن تسفر إلا عن كوارث.

وتابع سلامة: المدرب المصري نجح أصلا أفريقيا فقط لما كانت أفريقيا غلبانة وماكنش في كرة حديثة وفرق أفريقية عندها لعيبة كلها محترفة.

واستكمل المخرج الزملكاوي: ده غير إن الكابتن الجوهري وكابتن شحاتة كانوا ماليين عين معظم اللعيبة وكانت اللعيبة بيحترموهم وبيحبوهم جدا، وكان أصلا عندهم مسيرة وظيفية - كمدربين - محترمة مش مجرد شعبيتهم كلاعب سابق.

وواصل: مع كامل إحترامنا المدربين المصريين بعيد، فيهم مجتهدين وأذكياء ومحترمين، بس بعيد، ومدرب أجنبي نص لبة مش هيعمل فارق وهياخد فلوس كثير، محتاجين استثمار في مدرب أجنبي له مسيرة حقيقية، حرام جيل فيه أهم لعيب في تاريخنا يروح آخر كاس عالم ليه ومانحققش بيه أي تطور.

واستكمل: واضح إن المسؤولين مستنين فضيحة لتسبيب قرار إنهاء التعاقد، ومصر وتاريخها الرياضي وجمهورها هم اللي هيدفعوا ثمن الفضيحة ده.

واختتم حديثه قائلاً: إلحقوا المنتخب.