بوسي: عندي 38 سنة.. ومبحبش حد يندهلي بأم ياسين بحس إني ببيع عيش

حلت الفنانة والمطربة الشعبية بوسي ضيفة في برنامج ليلة فونطاستيك مع أبلة فاهيتا المذاع عبر شاشة قناة إم بي سي مصر، وكشفت خلال اللقاء عن تفاصيل حياتها الشخصية لـ أول مرة وعن سنها الحقيقي والأسم المفضل لها. 

بوسي تكشف تفاصيل حياتها الشخصية مع أبلة فاهيتا

وقالت بوسي خلال اللقاء: اسمي ياسمين وبوسي ده اسم دلع، وفي اسم لما بيتقالي بحس اني ببيع طماطم لما بيقولوا لي أم ياسين بحس اني ببيع عيش. 

وكشفت بوسي عن سنها الحقيقي، قائلة: أنا صغيرة عندي 38 سنة، مكنتش شاطرة في المدرسة خالص لأني مش بحب المذاكرة، أول مرة جالي فلوس كان عندي 15 سنة، وكانوا 25 جنيه بس كانو وقتها مبلغ كبير.

وكشفت عن مفاجئة لـ جمهورها، وهو قدرتها على الغناء بأكثر من لغة، وقالت: بغني تركي وهندي ومصري، ساعات كنت بعمل 10 أفراح في اليوم الواحد، ولو كنت مغنية راجل هختار من الزمن الجميل عبد الحليم ومن جيلي بهاء سلطان. 

وخلال الحلقة وجهت أبلة فاهيتا تعليق ساخر إلى بوسي حول التغيرات التي طرأت على شكلها، كيث قالت لها: بعد التحول اللي حصلك المفروض تعملي كتاب اسمه رحلتي من سعد الصغير لـ سعد لمجرد،  مما أثار تفاعل كبير داخل الحلقة.

وأكدت بوسي لـ أبلة فاهيتا أنها لم تقم بإجراء أي عمليات تجميل، وقالت: مش محتاجة أروح لدكاترة ومعملتش بوتوكس أنا سني صغير بس في راجل بيكبر وفي راجل بيصغر وفي حاجات حلوة تانية بتخلي الواحد حلو.