مدحت شلبي يهاجم تصريحات حسام حسن ويوجه رسالة حاسمة على الهواء

وجّه الإعلامي مدحت شلبي انتقادات قوية للكابتن حسام حسن، المدير الفني لمنتخب مصر، وذلك على خلفية تصريحاته الأخيرة بشأن قلة عدد اللاعبين المحترفين في صفوف الفراعنة.

وقال شلبي، خلال ظهوره عبر قناة «MBC مصر»: «أنا مش موافق على تصريحات حسام حسن خالص، منتخب نيجيريا اللي فشل في التأهل لكأس العالم كان بيلعب أمام الكونغو بتسعة لاعبين محترفين في أكبر أندية أوروبا، وبرغم كده خسر».

وأضاف شلبي موجّهًا حديثه لحسام حسن: «ماينفعش نتكلم إن مفيش محترفين كتير وإن ده يعتبر إنجاز… نيجيريا نفسها خرجت من التصفيات رغم المحترفين».

وتابع موضحًا: «المسألة مش في عدد المحترفين، الموضوع كله اختيار وتكتيك وشغل فني… مستوى المنتخب مش مرتبط بعدد اللاعبين المحترفين، ونيجيريا مثال واضح. ماينفعش نقول عندنا اتنين محترفين وربع، الكلام ده مالوش قيمة… لازم نحافظ على قيمة لاعبينا».

واختتم شلبي رسالته قائلاً: «بنصح الكابتن حسام حسن إن الأفضل إنه مايتكلمش كتير… لأن أي انفعال هتلقطه الكاميرات، والإعلام والجمهور مش هيسيبوا حاجة تعدي».