فريدة سيف النصر توضح غيابها عن دراما رمضان.. السبب مفاجأة

كشفت الفنانة فريدة سيف النصر، عن عدم مشاركتها في سباق دراما رمضان 2026، مشيرة إلى أن السبب يعود لسوء حالتها النفسية الحالية.

ونشرت فريدة سيف النصر بيانًا عبر حسابها الشخصي على موقع "فيسبوك"، قالت فيه: "على فكرة ناس على الخاص بتقولي مش عايزين نحرجك.. بس لو جالك شغل هاتشتغلي".

وتابعت: "حبايبي، أنا صادقة مع نفسي ومع اللي حواليا.. ماليش نفس لحاجة. كنت بتعلم أكون قد كلمتي، لكن كله نصيب. أحب العوضي جدًا وكان ممكن أبقى معاه في 'كلاي'، نصيبي بقي.. ربنا يوفقه يااااارب. وكمان حسين المنياوي مع النجمة التونسية الكبيرة هند صبري.. نصيبي كده.. والحمد لله".

وأوضحت الفنانة أنها كانت دائمًا تواجه صعوبة في الدخول في أي شخصية تمثلها بسهولة، مضيفة: "المرة دي مش عارفة أدخل بروحي لأي شخصية، روحي مش موافقة حاليًا. وأنا اتعودت ما اكذبش على حد ولا على نفسي، ومن عشقي لشغلي.. لكن مش هكون صادقة، برغم إني في أشد الحاجة للخروج من جوه نفسي. لكن نصيب والحمد لله على كل اللي يجيبه، أنا راضية، لكن غصب عني راح مني غالي أوي لا يعوض".

واختتمت فريدة سيف النصر تصريحها بشكر المنتج الفني هاني عبد الله قائلة: "حبيت أشكر المحترم المنتج الفني أستاذ هاني عبد الله اللي عملت معاه عملة نادرة.. والحقيقة، العملة النادرة دي شكراً لاهتمامه وأدبه وأخلاقه العالية. سامحني مش قادرة حتى أعتذر أو أتناقش، ما فينيش نفس ومعنديش نفس.. نصيبي كده.. ياااارب بالتوفيق للجميع.. قدر الله وما شاء فعل. شكرا".