محمد هاني: الأهلي منظومة ناجحة.. ولا صحة لشائعات الخلافات داخل الفريق

عبر محمد هاني، لاعب الفريق الأول لكرة القدم بالنادي الأهلي، عن سعادته الكبيرة بالتتويج بلقب كأس السوبر المصري 2025 على حساب الزمالك، في المباراة النهائية التي استضافها ملعب محمد بن زايد بدولة الإمارات العربية المتحدة.

محمد هاني: الأهلي منظومة ناجحة

وقال محمد هاني ، في تصريحات لقناة أبو ظبي الرياضية، إن الأهلي كان أكثر الفرق حاجةً لتحقيق اللقب لعدة أسباب، أبرزها رغبة اللاعبين الجدد في تذوق طعم البطولات مع الفريق، بعدما كانوا في أنديتهم السابقة يحققون الألقاب كل عدة سنوات فقط.

وأضاف محمد هاني: «الأهلي منظومة ناجحة، وطبيعي تلاقي في ناس بتحاول تخرب أو توقع، بس محدش قادر يعمل دا جوه الملعب، لأن الأهلي كبير جدًا، وعنده خطة واضحة، وكل حاجة ماشية بنظام.. ومفيش بطولة بنحققها بالصدفة».

وتابع قائلًا: «في ناس بتحاول تصدّر إن في مشاكل بينا أو بين الصفقات الجديدة، لكن دا مش حقيقي خالص، النادي اجتهد وجاب لاعيبة بتكسبنا ماتشات، وكلنا بندعم بعض».

وأوضح نجم الأهلي أن ما يُثار حول وجود خلافات داخل غرفة الملابس لا أساس له من الصحة، مؤكدًا: «أنا مش عاوز أحلف، بس مفيش أي مشاكل بينا، ومحدش بيبص لحد».

واختتم حديثه قائلًا: «إحنا كنا أكتر ناس فرحانة بـ زيزو في التتويج، وكنا بنحاول نخليه يشيل الكأس، وحتى حسين الشحات اللي بيلعب في نفس مركزه كان من أكتر الناس اللي فرحوا له».