حزن وغضب في الزمالك..ناصر ماهر يعلق على استبعاده من معسكر منتخب مصر

أعرب ناصر ماهر، صانع ألعاب فريق الزمالك، عن حزنه الشديد بعد استبعاده من قائمة منتخب مصر لكرة القدم لمعسكر شهر نوفمبر، المقرر إقامته في الفترة من 10 إلى 18 نوفمبر بالإمارات.

وعبر حسابه الشخصي على «إنستجرام»، كتب ناصر ماهر:«أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر».

وأضاف: «بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتى الناس العادية بيتكلموا كويس جدا عن أدائي في الفترة الأخيرة».

واختتم قائلاً: «بصراحة، اللي حصل ظلم ظلم كبير جدًا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط أي جبل».

ومن جانبه اعلن حسام حسن المدير الفني لمنتخب مصر القائمة كالتالي:

حراس المرمى: محمد الشناوي – أحمد الشناوي – محمد صبحي – مصطفى شوبير

خط الدفاع: محمد هاني – محمد حمدي – أحمد فتوح – رامي ربيعة – خالد صبحي – حسام عبد المجيد – محمد إسماعيل

خط الوسط: مروان عطية – حمدي فتحي – مهند لاشين – محمد شحاته – محمود صابر – محمود حسن تريزيجيه – إبراهيم عادل – مروان عثمان

خط الهجوم: عمر مرموش – أحمد سيد زيزو – محمود عبد الحفيظ زلاكة – محمد صلاح – أسامة فيصل – صلاح محسن – مصطفى محمد