خارج عن السيطرة.. علي ماهر يهاجم التحكيم بعد خسارة سيراميكا أمام الأهلي بالسوبر
أبدى علي ماهر، المدير الفني لنادي سيراميكا كليوباترا، غضبه الشديد من القرارات التحكيمية خلال مواجهة الأهلي في نصف نهائي كأس السوبر المصري.
وقال ماهر في المؤتمر الصحفي بعد المباراة: "أنا مش طالب حاجه غير العداله بس وأخذ حقي، أنا عمري ما بحب اتكلم على حاجه".
وأضاف بنبرة غاضبة: "الواحد يتعب ويجتهد ويعمل اللي عليه ويبقى عايز ياخد حقه بس، لكن ما يحصلش للأسف الشديد".
وعن ركلة الجزاء التي طالب بها فريقه، قال: "حكم أيه وفار ايه اللي اتكلم فيها.. الكرة واضحه قدام الحكم وفي تقنية فيديو".
وتابع مهاجمًا: "أنا بقولك أنا بتعب، اديني حقي.. مش عايز حاجة أكتر من كده، أنا مش عايز أتكلم في تفاصيل فنية".
واختتم تصريحاته رافضًا الخوض في تفاصيل أكثر، قائلًا: "بعد اذنكم يا جماعه انا مش حابب اتكلم في القصه دي.. كل حاجه واضحه قدام الناس".
وألمح ماهر إلى أنه يخشى التعرض لعقوبة الإيقاف، وهو ما دفعه لإنهاء حديثه عن الأخطاء التحكيمية التي يرى أن فريقه تعرض لها.
