أحمد بلال يهاجم لاعبي الأهلي: مناخيرهم فوق
شن أحمد بلال، مهاجم النادي الأهلي السابق، هجومًا عنيفًا وغير مسبوق على لاعبي الفريق الحاليين، معتبرًا أنهم يفتقدون للروح والقتالية، وذلك في تعليقه على الأداء الأخير للفريق.
وفي تصريحات تليفزيونية له ، استثنى بلال لاعبًا واحدًا فقط، قائلًا: "الوحيد اللي عنده قلب وروح الأهلي هو محمد عبد الله.. كل اللاعيبة الباقية مفيش، ولا ديانج ولا عبد القادر ولا زيزو ولا تريزيجيه ولا جراديشار".
وتساءل بلال بغضب عن مستقبل الفريق في البطولة القادمة: "هتروحوا تعملوا إيه في السوبر المصري؟ بالشكل ده 99% الأهلي هيلعب على المركز الثالث والرابع".
وانتقد غياب الروح القتالية التي اشتهر بها الأهلي، مضيفًا: "فين الـ +90؟ إحنا لعبنا 100 دقيقة ولو لعبنا ألف برضه مش هتسجلوا".
واختتم بلال هجومه الحاد برسالة مباشرة للاعبين: "كل يوم بتثبتوا إن كلام الناس عن أوضة اللبس طلع صح، التوفيق عمره ما هييجي طول ما مناخيركم فوق، لاعيبة الأهلي مناخيرها فوق ولازم تنزلوا شوية وتوطوا راسكم شوية، عيب".
