عمرو محمود ياسين يهاجم منتقدي مخرج حفل المتحف الكبير: "عيب.. الراجل ده عنده أهل وأسرة"
دافع المؤلف عمرو محمود ياسين عن مخرج حفل افتتاح المتحف المصري الكبير، عقب موجة الانتقادات التي طالت الحفل على مواقع التواصل الاجتماعي خلال الساعات الأخيرة، مؤكدًا أن المخرج بذل جهدًا كبيرًا لتقديم عمل يليق بعظمة الحدث ومكانة مصر الثقافية.
عمرو محمود ياسين يهاجم منتقدي مخرج حفل المتحف الكبير
وكتب عمرو محمد ياسين عبر حسابه على «فيسبوك»: «يا جماعة خلاص والله عيب، والله العظيم عيب.. مش معقول يعني لو فرض إن المخرج عنده بعض الأخطاء، مش معقول السوشيال ميديا كلها طالعة يا تهاجمه يا تستظرف عليه يا يتنمروا عليه، واللي بينزل صورته وحاجات غريبة جدًا كأنه الراجل المحترم ده مالوش أهل، مالوش أولاد، مالوش زوجة، مالوش أب ولا أم... حد فكر فيه هينام الليلة دي إزاي؟ حد فكر في أسرته؟».
وأضاف: «في الأول والآخر اللي مش عاجبه الإخراج، فالمسألة كلها لا تتعدى عدم التوفيق! عادي كلنا ممكن نعمل شغلانة وننجح ونكسر الدنيا أو يحصل عدم توفيق وما نحققش أفضل أداء، ليه المشانق اللي بتتعلق دي؟ وفي الآخر لما حد بيجراله حاجة من الضغط النفسي بنزعل!!! الراجل ده بقاله قد إيه تحت ضغط نفسي رهيب ومجهود كبير؟ بالراحة شوية بالراحة مش كده».
