تامر حسني يعزي أمير عيد في وفاة والدته

رحلت والدة الفنان أمير عيد عن عالمنا، اليوم الأحد، وسيقام العزاء بمسجد الفاروق بحي المعادي في القاهرة.

تامر حسني يعزي أمير عيد

ونعى الفنان تامر حسني، والدة المطرب أمير عيد، عبر صفحته الشخصية بموقع تبادل الصور والفيديوهات القصيرة، انسجرام قائلا: البقاء لله نسالكم الدعاء والفاتحة، اللهم أسكنها فسيح جناتك يارب العالمين يا رحمن يا رحيم".

يذكر أن، تصدر الفنان أمير عيد، محرك البحث جوجل وترند مواقع التواصل الاجتماعي، خلال الساعات القليلة الماضية، وذلك بعد حفله الغنائي الذي قام بإحيائه مساء أمس الجمعة برفقة النجم توليت في العلمين الجديدة.

وانتقد أمير عيد تباهي النجوم والمشاهير بالمشاهدات في حفلاتهم وأغانيهم، موجهًا رسالة لهم ولجمهوره، وقال أمير عيد:" في حد بيقول إن حفلته هي الأكبر وهي الأضخم .. وبيقولوا إننا عملنا في ستاد القاهرة أكبر حفلة في تاريخ مصر .. لكن يعني عشان أكون صريح .. الحقيقة أنا مش بفهم ليه الناس مهووسة أوي بفكرة الأرقام الأكثر مشاهدة والأكثر متابعة .. واللي عنده أجمد عربية وأجمد ساعة .. اعتقد يعني ده لو دل على شيء فهو بيدل على الشخص اللي بيبقى فاضي من جوا بيحب يبقى من بره".

وأضاف: "عمومًا الحاجات الرخيصة هي أكتر حاجة بتتباع .. ولذلك يعني الأرقام أحياناً ممكن تبقى دليل على الرخص .. وافتكر إن أمي مرة قالتلي إنك عمرك ما تبقى شخص غني إلا لو كان عندك حاجة الفلوس ما بتشتريهاش .. ودلوقتي السوشيال ميديا بتحسسنا إننا مش عايشين وبنشوف ناس عاملة نفسها مبسوطين وفرحانين .. ودي مش ناس حقيقية لكن أنتم ناس حقيقية".

وتابع: "ناس كتير وأنا في الطريق من القاهرة للحفلة طلعولي التذاكر بتاعت الحفلة وأنا في العربية وبيسلموا عليا .. وكلهم عندهم حماس شديد جدًا .. والموضوع عمره ما كان بالعدد .. الموضوع في الروح اللي هما بيدوهالنا .. وحتى لو كان الحضور النهارده نص العدد أو إن شاء الله كانوا 10 أشخاص كنت هبقى فخور وهعمل نفس الحفلة .. المهم مش كام المهم القيمة".

وأختتم: "أنا بعمل الأغاني اللي بحبها مش علشان أكون براند أو سلعة .. أنا مش كيس شيبسي علشان أبقى نفسي أبيع أكتر حد .. وأنا فنان حر والشيء اللي بيحركني هو أفكاري وقناعاتي .. وبغني لجمهور حر عنده أفكار وبيحب يفكر .. شكرًا ليكم على ثقتكم وإنكم جمهور ملهم .. وأنا زمان كنت فاكر إني بغني في الأوضة لوحدي ومحدش هيسمع اللي أنا بعمله .. لكن وجودكم غير كل شيء وأنتم السبب دلوقتي إني مش بغني لوحدي .. وإن الأغاني دي تعيش .. وإني مش لوحدي في العالم اللي بقى دلوقتي دمه تقيل ومش حقيقي .. شكرًا".