ياسمين الخطيب: "حرام عليكم.. ماتشتروش حيوان مش قادرين تعتنوا بيه"
الإثنين 01/مارس/2021 - 05:04 م
انتقدت الاعلامية ياسمين الخطيب، معاملة جيرانها السيئة للكلب الذى يمتلكونه، مشيرة إلى أنها تفكر جدياً فى ترك منزلها واقتناء أخر بسبب هذا الأمر.
وكتبت الاعلامية ياسمين الخطيب عبر صفحته الشخصية بموقع "فيس بوك"، "الجيران إللي قدامنا حابسين الكلب بتاعهم في قفص متر في متر، وهو مش بيتوقف عن البكاء.. روح بتتعذب وماحدش حاسس بيها.. إيه الافتراء ده!".
وأضافت، "العرض ده مستمر من سنين، كل فترة يشتروا جرو، ويعرضوه لنفس المعاناة! حاولت أحل المشكلة بالنُصح.. بالشكوى.. بالذوق.. بالتشليق.. مافيش فايدة.. هما شايفين إن التدخل في الموضوع أصلاً نطاعة مني!
بفكر جدياً أعزل.. آه والله.. ساعات مش بعرف أنام وأنا سامعة صوته بيستغيث ويتوسل عشان أخلصه من عذابه! بينما الحلاليف نايمين وبيشخروا! ماتشتروش حيوان مش قادرين تعتنوا بيه.. حرام عليكم.. حرام عليكم.. حرام عليكم".
