بعد نشر فيديو مع طليقته.. مسلم: الناس بقت مستنية أي ترند وخلاص إيه القرف ده

أعرب مطرب المهرجانات مسلم عن غضبه الشديد واستيائه من أحد أصحاب المحلات التجارية في بيع الهواتف المحمولة، وذلك بعد نشره فيديو بالذكاء الاصطناعي يجمع مسلم مع طليقته البلوجر يارا تامر. 

مسلم يُعبر عن غضبه بعد انتشار فيديو له مع طليقته

وظهر الفيديو وهو يجمع مسلم مع طليقته ويشتري لها هاتف محمول ، الأمر الذي أثار غضب مسلم. 

وكتب مسلم عبر صفحته الرسمية على موقع تبادل الصور والفيديوهات القصيرة إنستجرام، عبر خاصية ستوري: "إيه القرف ده هو بجد الناس بقت مستنية أي ترند وخلاص حتى في البيوت والزواج والطلاق بقى في هزار وترند .. جبت امبارح تليفون جديد عادي جدا زي أي بني آدم بيغير تليفونه كل سنة". 

وأضاف :"يقوم صاحب الإستور ينزل فيديو قديم ليا أنا وطليقتي ويعمل إنه هو جديد وإنه أنا بجيب ليها هدية وأنا أصلا بجيب ليا أنا ومتصور بتنين من عنده لأن بنقي بين المساحات واختار واحد بس وروح ألاقيه عامل ترند على حسابه وإننا رجعنا لبعض وبجد مش مقدر تمن المشاكل اللي ممكن يعملها بس أنا حبيت أوضح علشان ما بحبش المرض وحب الشهرة وأسلوب مش Professional وعامل الصور بال ai أنا دفعت زي أي إنسان عادي جدا وأنا ويارا مفيش بنا غير كل احترام بجد وشكرا".