"بتعاني من ورم بجذع الدماغ".. رشا العدل تطلب الدعاء بالشفاء لـ إنجي عبدالله
طالبت رشا سامي العدل من جمهورها ومحبيها الدعاء للفنانة إنجي عبد الله، بالشفاء العاجل في ظل الأزمة الصحية التي تُعاني منها، حيث كانت قد أعلنت مؤخرًا معاناتها من ورم في جذع المخ.
رشا العدل تطلب الدعاء بالشفاء لـ إنجي عبدالله
وكتبت رشا العدل من خلال حسابها الرسمي عبر موقع التواصل الاجتماعي فيسبوك، قالت: "البوست ده مهم جداً ليا.. إنجى محتاجة دعوات من كل الناس اللي يعرفها و مايعرفهاش و اختها كمان محتاجة دعوات كتير".
أضافت:"انا اعرف إنجي من حوالى ٢٥ سنة من ايام ما فازت بملكة جمال مصر و كانت بنوتة قمر و شقية بس طول عمرها طيبة و بتحب الحياة و عمرى ما شوفت منها حاجة وحشة".
تابعت:"إنجى دلوقتي بتعانى من ورم في جزع الدماغ و علشان اتعرضت لإشعاع و كيماوي قبل كدة الدكاترة توصلوا ان ماينفعش تعملهم تاتى لان ده هايأثر عليها بالسلب في الحركة و في التنفس ف للأسف في إستحالة حاليا للعلاج الجزري و مكتفيين بحاجات بسيطة تقلل من الأعراض، اخت إنجى اللي واقفة جمبها حاليا هي نفسها عندها ورم في الرئة و المخ ، الاثنين الله يكون في عونهم و معاهم و يخفف عنهم و يشفيهم".
أختتمت:"كل اللي بطلبه من كل الناس اللي يشوفوا البوست ده انهم يدعولهم كتير من قلبهم لعلها ساعة إستجابة و ربنا قادر علي كل شيء.. اللهم ارنا عجائب قدرتك و أشفي إنجى و اختها و خفف آلامهم و عافيهم يا رب".
