يارا تامر تكشف أسرار انفصالها عن مسلم: عائلته السبب و"ربنا ينتقم منكم"
علقت يارا تامر على طلاقها من مؤدي المهرجانات مسلم، مؤكدة أن أفراد عائلته كانوا السبب الرئيسي وراء الانفصال، وذلك بعد خلافات طويلة بينهم.
وكتبت يارا عبر خاصية "ستوري" على حسابها بموقع إنستجرام: "تم الطلاق بيني وبين مسلم، وبجد حسبي الله ونعم الوكيل فيكم، ربنا ينتقم منكم. أنا عارفة أني مكنش المفروض أطلع أتكلم، بس معنديش حاجة أغلى من كرامتي وشرفي قدام الناس".
وتابعت: "أنا أهو بعدت يمكن ترتاحوا وتسيبوني في حالي. للعلم أنا من يوم ما اتجوزت مسلم كانت هي دي مشكلتنا، غير كده مكنش في أي مشاكل بينا. شهادة حق أنه عمره ما زعلني وكان دايمًا واقف في ضهري، بس أنا اتظلمت كتير ومش مسامحة".
وفي وقت سابق، أعلن المطرب مسلم انفصاله عن زوجته يارا تامر، وذلك من خلال رسالة نشرها عبر خاصية "ستوري" على حسابه الرسمي بموقع التواصل الاجتماعي إنستجرام.
انفصال مسلم عن زوجته يارا تامر
وكتب مسلم في رسالته: "تم الطلاق بيني وبين مراتي ودا بسبب مشاكل أهلي وفضحتني قدام الناس، حسبي الله ونعم الوكيل في اللي كان السبب وخلى بينا مشاكل وكلام زي الزفت في السمعة والشرف والأعراض. حلمها الوحيد إنها تعيش مبسوطة لا أكتر ولا أقل. مش مسامح أختي ولا أمي ولا إخواتي كلهم على كل حاجة وصلوني ليها. أنا بجد بعد الست دي مفيش ست هتخش حياتي تاني، وشكرًا أوي على الظروف"
