تامر حسنى يستعيد ذكريات الدراسة بصورة مع أطفال معهد الموسيقى
الخميس 18/فبراير/2021 - 04:19 م
كشف الفنان تامر حسني عن تفاصيل صورة من كواليس تصويره إعلانا جديدا مع أطفال يدرسون الموسيقى فى معهد الكونسرفتوار "المعهد العالى للموسيقى".
وظهر تامر حسنى في الصورة وهو يغنى بصحبة الأطفال، وذكر أن نظرة الأطفال له فى الصورة عادت به إلى الذكريات حينما كان يدرس فى المعهد قبل ذلك.
وتابع: "من سنين كنت مكان الأطفال الجميلة دول بدرس الموسيقى هنا فى الكونسيرفاتوار ولما كان يدخل علينا فنان مشهور كنا بنفرح أوى وبيبقى عندنا حالة ذهول وكنت بقول يا رب فى يوم من الأيام أكبر وأنجح وادخل نفس الدخلة دى وأنا فنان مشهور واشوف نفس النظرة الجميلة دى فى عيون التلاميذ والأستاذة".
وأضاف: "الحقيقة إنى لما دخلت عليهم شفت نظرة أكبر بمليون مرة من اللى حلمت بيها، نظرة حب وبكاء ومثل أعلى وأسئلة كتير منهمة عن مشوارى وفضلت يوم كامل اثناء التصوير بحكي لهم و بشجعهم ، و اتمشينا في كل مكان جوه المعهد درست فيه ولعبت فيه".
واختتم حديثه: "هقول حاجة وكل واحد يقيسها على مجاله، أكتر حد فيكم هيحب النظرة والمعنى اللى فى الصورة وهيتمناه وهيتعب له، هو أول واحد هيوصله بس كدا.. نهاركم جميل زيكم".
