شهيرة ترد بحسم على شائعة انفعال رانيا عليها:"إحنا ناس محترمة وشبعانة"
علقت الفنانة شهيرة على ما تردد من انفعال ابنتها رانيا محمود ياسين عليها مؤكدة أن العائلة تنتمي لجذور فنية ولها خالص الاحترام، مطالبة القانون بالتدخل.
كتبت عبر حسابها الرسمي على موقع التواصل الاجتماعي الفيسبوك : "هو ايه اللي حصل؟!!! هو ليه الناس بقت وحشه اوي كده ماحدش بيسيب حد في حاله وخاصه الفنانين".
وتابعت: "انفعال رانيا علي شهيره ايه؟ هو أي هبد وخلاص علينا انا ولادي متربيه وجذورنا ولاد ناس قبل الفن احنا ناس محترمه وشبعانه ممكن اي حد ينفعل لو شعر بالإهانه من اي شخص دا عادي لكن ينفعل علي أمه أو ابوه؟!!!!".
وأوضحت: "وكلام كده مالوش لازمه أتقال هو كله زي بعضه الناس اللي في حالها زى الناس اللي بتفتعل المشاكل عشان المتابعين والترند وتحاول تشوه المحترمين عشان ياخدوا من وراهم قرشين حرام وحسبنا الله فيكم عايزين قانون يحمينا من الآفات دي وهل يكب الناس علي وجوههم يوم القيامه إلا حصائد ألسنتهم".
