الكينج: العالم كله أغضب ربنا.. و"كورونا" إبتلاء من عند الله
الإثنين 15/فبراير/2021 - 11:28 م
علق الفنان الكبير محمد منير "الكينج" على تأثير جائحة فيروس كورونا عليه كفنان، قائلا: "واضح إننا أغضبنا ربنا فى العالم كله.. وأتذكر فيلسوف ألمانى كان بيكلمنى قريباً وبيقولى أن دى لعنة من لعنات ربنا والكمبيوتر برضه وده رأيه مش رايى بس أنا بأيده".
وقال محمد منير فى مداخلة هاتفية عبر برنامج " كلمة أخيرة" الذى تقدمه الإعلامية لميس الحديدى على شاشة "ON" أثناء تعليقه على علاقته الخاصة بألمانيا والشعب الألمانى قائلاً : " أنا موجود هناك من سنة 1991 عشان كده سر علاقتى بيهم أنى كل ما أروح هناك أسافر بالباسبور المصرى وبرجع برضه بالباسبور المصرى فيبقى الوطن الأول هو مصر والوطن الثانى هو ألمانيا ومحدش بينسى مصر بلده ابداً.. وعشان كده أنا بعتب على الأجيال الجديدة فى الفكرة دى.. ولسه منذ فترة كان بيكلمنى تلميذ ليا ألمانى كان المدير الاعلامى لنادى بارين ميونخ ويتولى منصب كبير زى عدلى القيعى ومحمود الخطيب" .
وقال "منير" حول تعاونه مع الشباب الجدد : "كل ألبوماتى عناصر شابة لان ماعدش فاضل حد الأبنودى مات وسيد حجاب مات وعبد الرحيم منصور مات اللى فاضل بالنسبة لى مجدى نجيب وغالباً أغنيته الشهر القادم وده اللى فاضل من الحلوين والباقى كله مواهب جديدة والمواهب دى دائماً بشوفها بشكل جديد وبتستغرق وقت كبير وتعب.. والموزعين واللى بيكتبوا أو بيلحنوا الأغانى معايا لانى بحلم بيها وبشوفها كمواهب بشكل أخر كنت معتاد على الناس الكبيرة الله يرحمهم" .
