"الكينج" محمد منير: بحب اسمع لعمرو دياب والحجار والمهرجانات "مش وحشة"

وحول الاجيال الجديدة ومدى  أعجابه وإستماعه لاغانيهم  قال منير في مداخلة هاتفية عبر برنامج " كلمة أخيرة  " الذي تقدمه الاعلامية لميس الحديدي على شاشة " ON": بسمع الاغنية الحلوة ".

وحول إستماعه للمهرجانات قال : " أه بسمع مهرجانات والفن  عمره ماكان وحش والمهرجانات مش وحشة لكن فيه فن قوي وأخر ضعيف وعلينا الاختيار بين ماهو قوي وماهو ضعيف ".

ووجه نصحية  للجيل الجديد من المطربين  قائلاً : " مشكلتهم إنهم متسرعين كل الي تحت 25 متسرع  وأنا صحيح  فخور أنهم جيل بيجيدوا الانجليزية  وأنا كمنير  أجيد الانجليزية والالمانية لكن بقلهم  "طز  فيكم"  لاني مش عايز  أقابل شاب يقلي أنا " تجارة إنجلش  " أو حقوق إنجلش " لما أسالك شهادتك  إيه  ؟ تقلي بكالريوس " تجارة أو  ليسانس " حقوق  " بعد كده تبقى تقلي  إيه تخصصك أتمنى يستوعبوا كلامي ده  لانه مش ضدهم ".

وأضاف الكينج في تقديم نصيحته لجيل الشباب  : " أنا حياتي كان فيها مصاعب كثيرة  ومعاناة طويلة ومشوار طويل أنا لما بدأت حياتي كان فيه 500 واحد نصهم من عيلتي والباقي من اسر المنتجين  والنهارده بقى عندي شعب كامل بيجبني أنا بغني  42 سنة  .

وقال : " أنا بحب ألمانيا وحبايبي الشعب الالماني وكفاية أن مصيبة كورونا حرمتني من زيارة ألمانيا لمدة سنة  ورجلي " بتاكلني " وكل مأاكلم  اصحابي يقلولي إستنى شوية  "