أسما شريف منير تشيد بصداقتها مع "عمرو جمال" وتحتفل بنجاح "عالم تاني"

شاركت أسما شريف منير متابعيها بمجموعة من الصور لها عبر حسابها الرسمي علي موقع التواصل الاجتماعي لتبادل الصور والفيديوهات الإنستجرام، مشيدة بصداقتها بعمرو جمال التي تطورت إلى الشراكة في العمل، وكانا سببا في نجاح مشروعهما "عالم تاني".

وكتبت عبر حسابها الرسمي علي موقع التواصل الاجتماعي لتبادل الصور والفيديوهات الإنستجرام: ناس كتير وقفوا في طريقينا… كأنهم بيحاولوا يهدّوا كل حاجة بنيناها، بس أنا وعمرو… حكاية تانية خالص، إحنا مش بس أصحاب، ولا بس شُركا، إحنا عيلة… واخترنا ده بإرادتنا.

وتابعت: “الناس بتقول إن النجاح محتاج ناس شبهك، نفس الروح، نفس الهدف، وإحنا فعلاً اخترنا بعض، ده احنا حتي برج الحمل زي بعض، مامته بقت أمي، تهتم بيا كإني بنتها بالظبط، وأخواته أخواتي بجد".

وأشارت إلى: "انتوا عارفين عمرو هو اللي عرفني علي جوزي، و هما الاتنين يعرفوا بعض قبلي بسنين، دي مش صدفه كده كده أنا بحب عمرو، لإني شوفته في كل حالاته، وشوفت أسوأ ما فيه، وبرضه قررت انه عيلتي، عارف عني كل حاجة، وهو نفس الحكاية".

وتابعت: "اتخانقنا، وقطعنا بعض، ورجعنا تاني لاننا منعرفش منبقاش في حياة بعض، وسافرنا سوا… جوه مصر وبرها اشتغلنا سوا… على نفس الحلم، وعلى بعض كمان".
 

واختتمت: "سهرنا، خرجنا، ضحكنا، وقعنا، وشدينا بعض لطريق ربنا سوا، جازفنا، وفتحنا "عالم تاني"، والناس كلها قالت مستحيل، بس صدقنا في بعض… وكفانا ده، ودلوقتي "عالم تاني" بيكبر بينا، أنا بحبك يا عمرو، وهفضل أختارك، لآخر يوم في عمري".