عبير الشرقاوي تكشف حقيقة خلافها مع والدها بسبب الحجاب: عمره ما غضب عليا

كشفت الفنانة المعتزلة عبير الشرقاوي، حقيقة الشائعات التي ترددت حول خلافها مع والدها المخرج الكبير جلال الشرقاوي بعد ارتدائها الحجاب، مؤكدة أن تلك الأقاويل غير صحيحة.

وقالت عبير الشرقاوي، خلال مداخلة هاتفية في برنامج "تفاصيل" مع الإعلامية نهال طايل على قناة صدى البلد 2: "كان في إشاعة إن بابا اتبرأ مني لما اتحجبت وده مش حقيقي، هو عمره ما غضب عليا، لكن لما اتنقبت اتضايق جدًا، لأنه كان بيشوف النقاب تطرف، رغم إن فيه شخصيات منتقبة محترمة جدًا".

وأضافت: "وقتها زعل مني جدًا وساب البيت، وأنا قلعت النقاب بعدها على طول، بس ده مغيرش مكانته عندي، ولا حبه ليا".

كما ردت عبير الشرقاوي على ما أُشيع بأنها تبرأت من أعمال والدها، قائلة: "ده كمان مش حقيقي، اللي حصل إني كنت برد على واحدة هاجمتني على السوشيال ميديا، فقولتلها كل واحد مسؤول عن أعماله، سواء أنا أو والدي، وده مش معناه إني تبرأت من شغله".