محمد هنيدى ينشر صورة من صندوق الذكريات مع أشرف عبد الباقى

نشر الفنان محمد هنيدى عبر موقع التواصل الاجتماعي "فيس بوك" صورة تجمعه بالنجم أشرف عبد الباقى من كواليس احد الأعمال الفنية التى جمعتهم.

وعلق قائلاً:"اهلا .. عايز احكيلكم عن الصورة دي، ومش كل اللي بتشوفه على السوشيال ميديا هو الحقيقة كلها .. اشرف عشان يركب الميكاب المعقد ده والشنب ده احتاج اكتر من 18 ساعة ميكاب فقرر انه يفضل بالشنب طول فترة التصوير وهي اسبوع كامل، ولما جيه ياكل لقى الشعر بيدخل في بقه، فقرر انه يصوم 7 ايام متواصلة طول فترة التصوير من غير مايشرب او ياكل عشان مايبوظش الميكاب ... على مدار سبع ايام اشرف ماكنش بياكل ولا بيشرب ولا بيشم كانه مصاب بالكورونا "بعد  الشر يعني" .. اما الجلبية اللي انا لابسها دي فمورهاش اي قصة ولا أي معاناه ولا هي ولا الطربوش".

ويشارك الفنان محمد هنيدى في فيلم "النمس والإنس" مع كلاً من "منة شلبى، عمرو عبد الجليل، صابرين، بيومى فؤاد، محمود حافظ، شريف دسوقى، جنيا ماهر، عارفة عبد الرسول وعدد آخرمن الفنانين، إضافة لظهورأكثرمن فنان كضيف وعلى رأسهم شيكو، والعمل تأليف كريم حسن بشير وإخراج شريف عرفة.