"مستحيل هتمثل وأنت تخين كده".. أحمد زاهر: "بشكر محمد سامي رغم أنه وجعني بكلامه"

وتابع " كنت تخين أوي ووزني تجاوز 185 كيلو وربنا بعتلي المخرج محمد سامي كنت فظيع لاني كنت مصاب بخلل في إفرازات الغدة الدرقية وكانت مرحلة كئيبة.. وكنت اتلقى العلاج وكنت بحاول أخس بس منفعش لان  التخن اللي كنت فيه كان بسبب ورم جسمي منفوخ بالمياه".

وواوصل "فضلت تخين لحد مانزلت من 185 كيلو لحد 120 كيلو في مسلسل أدم اللي كأن أول لقاءلي مع المخرج محمد سامي ومكناش نعرف بعض  قبلها وفجأة جسمي حصله ثبات في الوزن ومش راضي ينزل".

وكشف "دور المخرج محمد سامي في رحلة فقدانه للوزن قائلا: محمد سامي شافني قلي لازم تخس وشجعني أعض الارض عشان وزني ينزل بعد ماحصله ثبات عند 120 كيلوا جرام وقلي قدامك سنة وبالضبط وانت حر في النهاية عايز تخس خس مش عايز براحتك بس فيه دور مهم إسمه يوسف المهدي في مسلسل أدم وده دور جامد ومهم بس مستحيل هتمثله وإنت تخين كده".

وأكد "أن المخرج سامي بكلماته أوجعه جدًا وتسبب في زعل بينه وبين المخرج قائلاً: "زعلت أوي لما قلي مين بطلة هترضى تمثل قدامك وإنت بالوزن ده ؟ بس دلوقتي بشكره جداً عشان وجعني لان كلامه خلاني أعمل المستحيل  عشان ارجعله رشيق ولما دخلتله في البروفات بكى لاني فقدت وزني من 120 كيلوا لحد 85 كليوا حالياً فضلت عامل دايت وأمارس الرياضة واقاوم لحظات الضعف أمام الاكل".