الخميس 24 يونيو 2021 الموافق 14 ذو القعدة 1442
رئيس التحرير
حازم عادل

زوجة الشهيد ياسر عصر: "تكريم اليوم كان مشهد فخر واعتزاز ممزوج بالألم"

الإثنين 25/يناير/2021 - 10:05 م
الشهيد ياسر عصر
الشهيد ياسر عصر

قالت صفاء الشامي أرملة الشهيد ياسر عصر وكيل الإدارة العامة لشرطة النقل والمواصلات، إن تكريم الرئيس لزوجها الراحل اليوم كان يحمل في طياته مشاعر بالفخر والاعتزاز لكن ايضاً كانت لحظات ألم بالنسبة لها.

وتابعت في لقاء عبر برنامج "كلمة أخيرة" الذي تقدمه الإعلامية لميس الحديدي على شاشة "ON" قائلة: "الناس حست في الكلمة الي كنت هقولها بس ماقدرتش كنت عاوزة أتكلم عن بطولات الراحل  وكان نفسي اشكر الداخلية والرئيس بس ماقدرتش.. زوجي كان بني ادم غالي عليا جداً وكان نفسي يبقى موجود في التكريم بس  هنعمل غيه قضاء الله".

وواصلت: "زوجي كان راجل عظيم جداً ومتفوق  كان مبدأه في الحياة إن الانسان لازم يبذل قصارى جهد عشان ربنا يديله  على قد تعبه .. وهو كان  إنسان  محب لعمله وكانت حياته كلها هي شغله".

واكملت: "حكي ثلاثة وقائع  كان نفسي احكيهم خاصة اننا كنا على طول ملازمين لجوزي الشهيد ومكناش بنفترق  لانه  كان بيحب ولاده جداً وميقدرش   يبعد عنهم عشان كده  كنا دايماً في كل حتة  بيروحها".

أردفت: "في 2013 كان مأمور قسم في قنا وكنا وقتها في الاستراحة الكائنة فوق قسم الشرطة  وكانت ذورة الاحتجاجات وكل شوية المركز كان بيتقفل علينا وناس عايزة تدخل  وفي مرة من المرات إستقيضنا على اصوات إطلاق رصاص ووقتها صحيت وهو نازل  لانه ماصحنيش من النوم  فسألته : إنت رايح فين ؟.. قال لي: ماتخافيش لو حصل اي حاجة أنا مرتب رجوعكم لمصر هيبقى إزاي ؟ وقتها شعرت إن فيه رسالة بيقولها ليا أني استعد  للمسؤولية وقلي   وقتها الناس الي موجودة في المركز انا مسؤول عنهم هيعملوا إيه ؟ وقلي ماتخافيش لو حصلي حاجة".

وواصلت: "الواقعة الثانية في عام 2016 اثناء واقعة حريق القطار حيث كان يمر لمباشرة عمله صدفة ولم ينزل لوجود إخطار بوجود حريق لكن في المعتاد  يقوم بعملية المرو حيث كان يقدس عمله وكان بيمشي على رجليه  مش بيركب.. واثناء ذلك كان  في محطة القطار واثناء سيرة  وجد عربة في القطار  تتعرض  للحريق فهب مسرعاً لنجدة من فيها دون أن يطلب الدعم الشرطي  بواسطة طفاية حريق   ولم يكن يعلم أن أحدهم يقوم بتصوير الواقعة  وهي الصورة التي  إنتشرت على التواصل الاجتماعي  وأنا عرفت وقتها من السوشيال ميديا وماعرفتش   منه شخصياً ولما إتصلت بيه  أطمن عليه قلي عرفتي منين ؟ قلتله من السوشيال ميديا فضحك وقال لي  ليه كده أنا بعمل واجبي بس".

واشادت الشامي بجهود الرئيس عبد الفتاح السيسي مع اسرة الراحل قائلة: "سالني النهارده مش عاوزة حاجة ؟ ومن وقت إستشهاد زوجي وبتوجيهاته لوزارة الداخلية لم يتركونا .. الحمد لله أنا مش محتاجه حاجة خالص".

ads
ads
ads
ads
ads
برأيك من سيتوج بطلًا لدورى أبطال إفريقيا 2021؟

برأيك من سيتوج بطلًا لدورى أبطال إفريقيا 2021؟
ads
ads