صاحب فيديو العروسة "الحامل": مش هسامح اللي عمل كده (خاص)
الخميس 21/يناير/2021 - 02:20 م
كشف مجدي محمود صاحب الصور والفيديوهات المتداولة على مواقع التواصل الاجتماعي للعروسة "الحامل" حقيقة الأمر، معبرا عن غضبه الشديد لما قاله الناس من تعليقات سخيفة تخوض في أعراض زوجته.
وأوضح مجدي في تصريحات خاصة لـ"مصر تايمز"، انه ليست المرة الأولى لخضوعه جلسة تصوير بهذه الطريقة، قائلًا" انا ومراتي بنحب نتصور في اي مناسبة دي مش أول مرة الناس هي اللي تعليقاتها سخيفة وبتحب تهاجم الأشخاص بدون فهم".
وأردف"محمود"، أن الشخص الذي ساعد على انتشار صورنا، وعلق انها عروسة حامل يصفه بالمتحرش بسبب اقتحام الخصوصيات وتوصيل فكرة غير صحيحة للناس، قائلًا: "أنا مش مسامحه".
أكد محمود، ان الغرض من هذا الاحتفال ليست الشهرة، ولكن للاحتفاظ بالذكريات ومشاركة العائلة الأصدقاء لمعرفة نوع الجنين.
وقال أن عيد زواجه يوم يحل يوم 26 يناير، ولن يحتفل به حتى لا يحدث مثلما حدث الأيام القليلة الماضية، موكدا: "مش هنعمل احتفالات تاني كده خلاص".
وأضاف حول ظهورهما بملابس تشبه ملابس العرس: " ده مش لبس عريس وعروسة انا كنت لابس قميص وبنطلون عادي معتقدش ان العريس بيلبس كده و ده استايل لبسي دايمًا ومراتي لبسه فستان سيمبل مش فستان فرح الناس هي اللي حبت تفسرها كده".
