ابنة سامي العدل تحيي ذكرى ميلاد والدها: "كل سنة وأنا اشتاقلك أكتر"
أحيت رشا ابنة الفنان سامي العدل، ذكرى ميلاد والدها الموافق اليوم الخميس 2 نوفمبر، وذلك من خلال منشور لها عبر حسابها الشخصي على موقع التواصل الاجتماعي "فيسبوك".
وكتبت رشا سامي العدل، قائلة: "عيد ميلاد مين الليلة ... عيد ميلاد قمر العيلة .. انت قمر حياتي، شمسها و نجومها ، انت المعني الحقيقي للحياة و سبب وجودي في الدنيا، رغم اني زعلانة منك انك سبتني كل السنين دي تايهة في غابة بي مش هاغلس عليك في عيد ميلادك ، كل سنة و انت حبي الأكبر كل سنة و انت علي بالي و في قلبي قاعد متربع علي عرشه".
وتابعت: "كل سنة و انا بحبك و اشتاقلك اكتر ، فراقك صعب قوي علشان انت مستحيل تتكرر تاني في الحياة ، مالكش زي مالكش بديل ، مش عارفة اعوض عدم وجودك ده مهما حاولت".
واضافت:" نفسي قوي كنت تبقي موجود دلوقتي و الله اجري عليك اترمي في حضنك و انت لوحدك هاتفهم اللي جوايا كالعادة ... وحشتني يا ظهري و سندي كل سنة و انت حياتي.. الله يرحمك و يغفر لك يا قلب قلبي".
