مافيش خدمات ولا حماية.. ملاك يحذرون من كمبوند كابيتال ايست مدينة نصر
الإثنين 16/أكتوبر/2023 - 08:45 م
حذر أحد ملاك الوحدات العقارية فى كمبوند كابيتال ايست مدينة نصر من شراء وحدات به لعد توافر الخدمات المعيشية اللازمة للمواطنين.
وقال صاحب المشكلة عبر السوشيال ميديا ،" السلام عليكم احنا سكان كمبواند كابيتال ايست مدينة نصر شاريين من شركة Tabarak Developments والمالكه للمشروع ومشروع ناينتي اڤنيو والمعادي وغيرهم.. سنتين بدون خطوط تليفون ارضي .. سنتين بدون خدمات نت ف المشروع.. سنتين بدون عدادات كهربا.. سنتين بدون عدادات مياه".
وتابع ،" سنتين بدون غاز ف المكان ..سنتين بدون وسائل الحماية المدنية.. كمبواند بلا خدمات.. جميع الوعود تم الغاءها ( الروف واللاند سكيب ).. سنتين بيحاولا ويعملو حراج مش عارفين.. مفيش اسفلت حوالين المشروع.. البلاعات متروكه بدون غطيان دون اهتمام بحياة الناس ! ".
